الأحد، سبتمبر ٢٨

وداعـــــا أيــهـــا الـــزائــر الـكــريــم


وداعـــــا أيــهـــا الـــزائــر الـكــريــم


خــلاص الــزائــر الكــريــم حيمشي ، ومـش حنشوفه غير بعد سنه


ويا عالم حنشوفه مرة تانيه والا لا


والله الواحد مهمها يعمل حيكون مقصر فــي حــق هــذا الضيف الكريم


بيدخل علينا بـكــرمــة وجـــودة وأحنا بنقبله بتقصير وكسـل


أوعــدك يا رب إنـي لو أنكتب لــي أعيش للسنه إلي جــايــه وأشــوف هــذا الشهر الكريم إني حكون عبدك المطيع


عذراً يا رب العالمين علي تقصيريً ، اللهم أجعلنا من عتقاء هذا الشهر الكريم


(ليس العيد من لبس الجديد ، إينما العيد من أستعد ليوم الوعيد )


امــضــاء

مـــجــنــووون


52 نورت مستشفي المجانين:

همس الحنين يقول...

كل عام وانت الى الله اقرب وعلى طاعة ادوم وحيوحشنا رمضان ومش عيزين ننسى ان رب رمضان هو رب باقى الشهور يعنى اللى كنا بنعملة فى رمضان مش عيزين نكسل عنة بعد كدةلحد رمضان اللى جاى ان شاء الله

كـــيــــــــارا يقول...

هتوحشني يارمضااااااااااااااااااااااان

كوووول سنه وانت طيييييييييب

ومن ربنا قرررررررررريب

وم تنسي بقي اللي اتعمناه في رمضان

كوووول سنه وانت طيب مره كمان بس انا عاااااوزه عديتي بقي

أختكم فى الله يقول...

للأسف حيمشى

وكم سنفتقده

ربنا يعيده علينا جميعا بالخير

كل سنة وحضرتك طيب

EMMY BABY يقول...

كل سنة وانت طيب يا مازن

بجد رمضان ده جرى جرى بكل السبل يارب اجعلنا فعلا من عتقائه

ويارب نستمر على طاعته بعد رمضان ويبقى رمضان كل الشهور

ليك عندى تاج تعالى خده لما تفضى

تحياتى

ايمى

princess يقول...

يارب ان شاء الله نكون كلنا قربنا من ربنا اكتر واكتر:)
كل سنة وانت طيب
مجبتش فوانيس طب العدية اخبارها ايه؟ههههه
تحياتى

عايش... ولكن !!!! يقول...

كل سنه وانت طيب
ايام رمضان عدت بسرعه جدا
ان عشنا وكان لينا عمر نستقبله السنه الجايه باعمال افضل من السنادى
دمت موفق
علاء

مـــروة كمــال يقول...

كل عام وانتم بخير

كل عام وانتم إلى الله أقرب

***

بدأت التهاني تتوافد ..
الكلمات الحميمة تنساب ..
مشاعرُ الفرح تتقد ..
وأنا لا أقوى ..
لن أقوى على الرد
لكم يخجلني يا رمضان أن أتغنى بالعيد في حضورك
ولكم تنتابني مشاعرُ حنين لك .. قبيل أن ترحل
ليتك لا ترحل ..
فما وجدته فيك لن أجده أبداً في مكان سواك
سأؤجل النظر إلى رسائل التهاني
سأصمتُ رنّات جوالي
وأغلقُ بابي وأفتحُ قلبي وعيني وروحي ..
سأبذل ما بوسعي .. كي أنعم بك
بآخر لحظاتنا معا
ًوسأبكي كثيراً وأنت ترحل
سأبكيك كما أبكي .. كلما فقدتُ عزيزا
ًسأبكي نفسي ما فرّطت
وأبكى راجية أن أعتق أن يشملني العفو
أن أكتب مع أهل الجنة
رغم فقري وفاقتي وبضاعتي المزجاة
رغم تقصيري وعجزي
سأفرد أشرعة الأمل وأنعمُ بما تبقى لي من لحظات الفرح في رحابك
شهر الأنس بالله
يا شهراً نحياه طوال العمر
ليتك تؤنسني فتبقى ..
ليتك تسكنني .. فلا أرحل عنك ! .

هانى زينهم يقول...

" أوعــدك يا رب إنـي لو أنكتب لــي أعيش للسنه إلي جــايــه وأشــوف هــذا الشهر الكريم إني حكون عبدك المطيع "
بقالى 20 سنة باقول الجملة دى ومع ذلك كل رمضان بيفوت باحس انى ما كنتش قدها !!.
عموما ربنا يعيده عليك بخير انت والاسرة الكريمة وكل سنة وانت طيب .

ساسو يقول...

اول ما قرأة
وداعا أيها الزائر الكريم
صعبت عليا نفسي اوى وقلبي انقبض
ربنا تقبل منا صيامنا وقيامنا وبلغنا رمضانا اعواما عديده
امين
كل سنه وانت طيب وانا ومتنساش عديتي

غير معرف يقول...

كل سنة وانتة طيب
وينعاد عليك بالخير يارب

مدونتك حلوة يامجنون جنانها حلو

تقبل اول زيارة لية لجنونك

مع تحياتى ويلا

ahmed_k يقول...

كل سنه وإنت طيب يا صديقي
وبعوده الأيام عليك بخير وصحه وسعاده

وعيد فطر سعيد يا مازن

ندا منير يقول...

اللهم يتقبل منك ومنا جميعا
اللهم امين
وفعلا احنا لو قارنا نفسنا برسولنا و بالخلفاء الراشدين فعلا هنلاقى نفسنا مقصرين جدا جدا
مع اننا مش مقصرين قوى
بس بالمقارنة بينهم هنبقى مقصرين قوى


وكل سنة وانت طيب

منى يقول...

كل سنه وانت طيب وبخير
وان شاء الله ربنا يتقبل مننا السنه دى ويتجاوز عن سيائتنا
والسنه الجايه نبقى احسن
تحياتى

blue-wave يقول...

امين يارب
وكل سنه وانت طيب

شخـا بيــط مـحـجـوب يقول...

اية المجنون الذيذ تسمحلى اكون صديق جديد على مدونتك واشارك فى التعليقات

شكرا للك
وتحياتى
شخابيط mahgoub

Mona Shereif يقول...

ياااااارب اللهم امين
ويارب بلغنا رمضان الجاى
بجد هيوحشنا

كل سنة وانت طيب وبخير

mahasen saber يقول...

ربنا يتقبل منا الصيام والقيام
وصالح الاعمال ان شاء الله...
وعيد سعيد عليك
وعلى اهلك
وعلى كل من تحب...
وربنا يجعل كل ايام اعياد يا اسكندرانى
عيد سعيد ومبارك
تهنئه من اختك ام بيرو...

هانى زينهم يقول...

كل سنة وانت طيب يا سيد العاقلين وربنا يعيد عليك الايام بخير انت والاسرة وكل اللى بتحبهم وعيد سعيد .

جنّي يقول...

السلام عليكم ورحمة الله وبركاته

عيدكم مبارك

تقبل الله منا ومنكم
وكل عام وأنتم بخير
كل عام وأنتم من الفائزين
كل عام وقد حصدتم الجائزة
كل عام وأنتم ترفلون في ثوب الفرحة
كل عام وانتم مقبولون الصيام والقيام
كل عام وقد عفا الله عنكم في ليلة القدر

كل عام وأنتي منصورة يا أمتي

أخوكم
سعيد

طوبه فضه وطوبه دهب يقول...

استاذى العزيز بعتذر بشده على التاخير لكن كان عندنا تنضيف بقى وشغل البيت فى العيد الحاجات اللى الولاد ما يعرفوش عنها حاجه دى كل سنه وانت بالف خير وصحه وسعاده وبعوده عليك الايام بالف خير ويارب لا ياتى عليك رمضان القادم الا وقد حققت كل ما تتمنى تحياتى وخالص شكرى على السؤال والاهتمام

مـجـنـووون يقول...

همس الحنين
اسعدني حضورك
وكل عام وأنتي بألف خير
اسعدني حضورك

********************

كيااار

ما أوحش الله منك يا رمضان
كووووول سنه وأنتي بالف خير وأن شاء الله تخدي الدكتورة
اسعدني حضورك

*******************

أختكم في الله
كل سنه وانتي بالف خير وربنا يتقبل منا ومنك الصيام والقيام والركوع والسجود
اسعدني حضورك

مـجـنـووون يقول...

emmy baby

وأنتي بألف خير أمي الغاليه
ويا رب تكوني السنه إلي جايه حققتي كل أحلامك وأمالك
اسعدني حضورك


*******************
princess

كل سنه وأنتي بالف خير

علي فكرة أنا بدي عديه بس فين ايدك علشان تخديها ؟؟


***************************
عايش ولكن

كل سنه وأنت بألف خير يا غالي
الأيام الحلوه بتعدي في ثواني

مـجـنـووون يقول...

مروة كمال

كل سنه وأنتي بالف خير يا غاليه
اللهم أجعلنا من عتقاء شهر رمضان

**********************
استراحة ___ هاني زينهم

كل سنه وأنت بالف خير
والله لو الواحد مات قبل ما يوصل للرمضان النسه إلي جايه يبقي كانه صام وقام رمضان
لأن الأعمال بالنيات
وبعدين لازم يكون في همه عاليه علشان نقدر نرتقي بنفسنا

*********************

ساسو
كل سنه وأنتي بالف خير
علي فكرة أحنا ديما كده مش بنحس بالحاجه الحلوه غير لما تروح مينا
ربنا يجعلنا من عتقاء شهر رمضان

مـجـنـووون يقول...

ويلا

كل سنه وانتي بالف خيررر
الله يخليكي يا رب علي هذه المدونة الجميله
اسعدني حضورك

*****************
ahmed _ k

كل سنه وأنت بألف خير
ويا رب ربنا يتقبل منا ومنك رمضان

******************
مني

كل سنه وأنتي بألف خير
أمين يا رب العالمين

مـجـنـووون يقول...

sometimes

كل سنه وأنتي بالف خير
وربنا يتقبل منا رمضان
اسعدني حضورك

***********************
mahasen saber
كل سنه وأنتي بألف خير
أمين يا رب العالمين
وعيد سعيدي عليكي وعلي الأمة الإسلاميه
يشرفني أنك تكوني أختي
اسعدني حضورك
***************************
نهر الحب
كل سنه وأنتي بألف خير
جزاكي الله خيرا علي هذا الدعاء الجميل

اسعدني حضورك

مـجـنـووون يقول...

blue-wave

كل سنه وأنت بألف خير
وربنا يتقبل من ومنك صالح الأعمال

********************
شخابيط محجوب

كل سنه وأنت بألف خير
ويسعدني أن تكون من زوار مدونتي المتواضعه

وعلي فكرة مدونتك جميله جدا

شرفني حضورك

مـجـنـووون يقول...

جني


كل سنه وأنت بألف خير يا غالي
أمين يا رب العالمين
اسعدني حضورك

********************

طوبة ذهب وطوبة فضة

كل سنه وأنتي بألف خير
وربنا يتقبل منا ومنك صالح الأعمال
وبعدين مش أنتي إلي قولتي قبل كده بلاش كلمة سيدتي الفاضله وخليها دكتورة أحسن وأنك حتقوليلي يا متر
والا نسيتي ؟؟
الله يكون في العون
وعلي فكرة أنا كمان كان عندي تنظيف بس أنا شاطر شويه وخلصت بدري ههههههههه
أنا بسال علي الناس إلي فعلا بفتقدهم لما يغيبوا
وربنا يديم بينا المعرف
اسعدني تهنئتك

كـــيــــــــارا يقول...

دوكتوراه مره واحده طب اقول الماجستير الاول

كل سنه وانت طيب وفي انتظار البوست الجديد

طوبه فضه وطوبه دهب يقول...

خلاص نصلح اللقب واقولك كل سنه وانت بالف خير وصحه وسعاده يا متر وشاطر انك بتخلص الشغل بسرعه انت شاطر اهوه واشطر مننا ربنا يقويك ويسعدنى بجد انى اكون من الناس اللى بتفتقدهم وعيد سعيد عليك وعلينا وفى انتظار البوست الجديد حتى لو كان بالاشاره وابيض واسود كمان رضيين بكل اللى هيتكتب تحياتى

قلم حالم يقول...

عبارات بسيطة لكني احسستها قريبة جدااا

فعذرا يارب على تقصيري

كل عام وانتم الى الله اقرب

فارس القمر يقول...

يا رب إنـي لو أنكتب لــي أعيش للسنه إلي جــايــه وأشــوف هــذا الشهر الكريم إني حكون عبدك المطيع

اللهم امين يارب

عذراً يا رب العالمين علي تقصيريً ، اللهم أجعلنا من عتقاء هذا الشهر الكريم
اللهم تجاوز عنا واكرمنا واحسن خلقنا واحسن خاتمتنا

ادعيلك يالرحمه والمغفرة والعتق من النار
تقبل مرورى
فارس

حـــــ الــجــنــة ـــــور يقول...

تقبل الله دعاءك وغفرلنا جميعا وأسكننا الفردوس الأعلى
بارك الله فيك أخي الفاضل وإن شاء الله المزيد من الخير والبركه
تقبل مروري
عيد فطر مبارك للملاك المجنووون والحس المفطور

مجلة الأم الصغيرة يقول...

كل عيد و انت بألف خير
على فكرة ليك تهنئة خاصة في المدونة عندي
w happy 3id
:)


في انتظار أحزان قلم

أمل حمدي يقول...

ازيك يا مجنون

عامل ايه انا يشرفني انك تكون ابني

ربنا يصلح حالك

وكل عام وانت بكل خير يارب

مستنية الصوت والصورة

ربنا يبعد عنك الاحزان يارب

غير معرف يقول...

كل سنه وانت طيب
ان شاء الله يكون عيد سعيد علينا كلنا
:)
في انتظار البوست الجديد

المستنصر بالله يقول...

كل عام وحضرتكم بخير

عيدكم مباررك

تحياتى لحضرتك

نـــــور يقول...

اللهم امين يارب
ربنا يتقبل منك
وربنال يديك العمر ياسيدى ويبلغك رمضان الجاى ان شاء الله
عيد سعيد عليك يارب
وكل سه واتت بخير

طوبه فضه وطوبه دهب يقول...

انت فين مختفى تقريبا من قبل العيد بيوم وما بتردش عند حد ولا حتى بترد على التعليقات اللى عندك انا حسدتك وقلت عليك شاطر وخلصت بسرعه الشقه لعل السبب خير وكل سنه وانت طيب وافتقدنا جنانك اول يومين العيد تحياتى

مـجـنـووون يقول...

كيااارا

كل سنه وأنتي بالف خير وتقبل الله

أحنا ناس واصله مش بناخد بالتدرج أحنا بنطلع للقمة علي طول

وبعدين هي الدكتوراه تغلي عليكي !!

نورتيني

مجنووون

مـجـنـووون يقول...

دكتورة ..... طوبة فضة وطوبة ذهب

تصدقي أنا معرفش أسمك لحد دلوقتي

عموما كل سنه وأنتي طيبه وربنا يتقبل منا ومنك رمضان

الله يخليكي يا رب ، في ناس كده بنرتاح لهم من غير ما نشوفهم أو نقبلهم ولما يغيبوا عننا بنحس أن أحنا مفتقدين حاجه

وربنا يديم بينا المعرف يا رب

أنا والله مش مختفي ولا حاجه
أنا بس كان عندي ضيوف ومكنش ينفع اسبهم هما لسه عندي لحد دلوقتي

أنا مقدرش أتاخر عنكم أنتوا مش عرفين أنتوا أيه بالنسبه لي دلوقتي
وعلي الجنان يا ستي حتشوفي كتير متستعجليش هههههههههه

تقبلي جنوووني
مجنووون

مـجـنـووون يقول...

يسرا

حمدالله علي السلامه يا باشااا ، عجبني أخر موضوع ليكي ومبسوط قوي أنك التزمتي بيه وربنا يجعله في ميزان حسناتك

اسعدني رجوعك مرة ثانيه
مجنووون

مـجـنـووون يقول...

فارس

أنت حبيبي والله فارس باشاا وكل سنه وأنت بألف خير والسنه الي جيه تكون في بيت العدل قصدي في الكوشه هههههههههه

اسعدني حضورك
مجنووون

مـجـنـووون يقول...

حور الجنه

جزاكي الله خيرا وبارك الله فيكي
وكل سنه وأنتي بالف خير
وعيدك مبارك عليكي يا أحلي أسم حور الجنه

اسعدني حضورك
مجنووون

مـجـنـووون يقول...

قطرات من شواطئ الحياة

اسعدني حضورك لمدونتي
وكل سنه وأنتي بالف خير
وشكراً علي التهنئة ، ويا رب يجعل كل أيامك أفراح

اسعدني حضورك
مجنووون

مـجـنـووون يقول...

ماما أمولة

ياااااه والله العظيم كنتي مفتقدك ومفتقد كلماتك الجميله

الله يخليكي يا رب وأنتي والله زي والدتي

وكل سنه وأنتيب الف خير
حتشوفي صوت وصورة بس يا رب ما تنصدمي

اسعدني حضورك
مجنووون

مـجـنـووون يقول...

hager za3bal

كل سنه وأنتي بالف خير وربنا يتقبل منك رمضان
والله ببقي مبسوط لما بتنوري مدونتي

اسعدني حضورك
مجنووون

مـجـنـووون يقول...

المستنصر بالله

كل سنه وأنت بألف خير حبيبي الغالي
ونورت مدونتي البسيطة

اسعدني حضورك
مجنووون

مـجـنـووون يقول...

habiba

كل سنه وأنتي بالف خير ، وأن شاء الله السنه إلي جايه تحققي كل أحلامك

وعيد سعيد عليكي

اسعدني حضورك
مجنووون

FreeKiller يقول...

الزميل المدون المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
مقر النادي الإجتماعي الخاااص بشركة مطاحن شرق الدلتا
أمام مقر الوفد بشـــــارع مدير الأمن - ميدان القومية - الزقازيق - محافظة الشرقية

و كل المدونين من كل حتة ف مصر مدعوين

وللمزيد من التفاصيل يرجي زيارة اللينك التاااااالي
http://goharyblog.blogspot.com/

لكم جزيل الشكر و كل عام و أنتم بخير



اخيرا وصلنا مدونة مجنون
شرف ليا اكون هنا
كل سنة و انت طيب

بنت سيناء.. يقول...

جمعة مباركة عليك


فين بئة موضوع احزان قلم؟؟؟؟
هستناة ..انما انا عايزة اعمل فى مدونتى ريدر زى اللى عندك يا مجنون(رغم انك عاقل) ازاى اعملة عشان اعرف اخر ما كتبة المدونين؟؟

بنت سيناء.. يقول...

انا اضفت لبوست العيد زيارة تانى يوم تعال كملة وقول رايك

جوجو يقول...

السلاااام عليكم

كل سنة وانت طيب

عيد سعيييييييد

تحياتى

 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner