الاثنين، أبريل 13

والله مشتاقين للحب القديم 

مشتاق لأحلي أنسانه قبلتها في حياتي 

مشتاق لكلامها الجميل وضحكتها الهادئه 


أول مرة قبلتها حسيت بقلبي بيدق بسرعه 

كنت فرحان قوي وحاسس أني لقيت شريكة حياتي 

بس للأسف الظروف كانت صعبه عليها 

يمكن لو كنت صبرت اكتر وحاولت تاني كان زمانا مع بعض 

لو لفيت الدنيا كلها عمري ما هلاقي انسانه في جمالها وأخلاقها وأدابها 

ربنا يسعدها ويوفقها ويجعل ايامها كلها فرح وسعاده 

علي فكرة من وقت ما سبنا بعض مكتبتش شعر 

لاني بجد حسيت أني مخنوق ومش قادر اكتب زي زمان 



الأحد، نوفمبر 23





الى من كانت الأولى بحياتي 

سلامي وحبي وأجمل أمنياتي 

الثلاثاء، سبتمبر 10

رســالـة الــي عـبـيد الـبـيـادة


منكم لله يا أغبية يا متخلفين خربتوا البلد
 

قسمتوا مصر شعب وشعب 


ودلــوقــتي جـيـيـن تـنـدموا وتقولوا فين  ايام مرسي 


والله الـعـظـيـم مــا هنسيب ليكم البلـد تخربـوهـا 


والـي هيمد أيــده عـلـي مـصـر هنقطعهاله 


ومـصـر عـمـرهـا مـا هترجع زي زمان 


والله هـندافــع عــن بـلـدنــا بـدمـنـا


وبكـرة هنحاسب كـــل وأحــد قـتـل أخــوتـنـا 


وبكــرة نحــاسب الـخـونــه والمنافقين  


وحسبي الله ونعمة الوكيل 


إمضاء 
مجنووون



الأربعاء، يوليو 10

وحشتيني

النهاردة كملت أربع سنين بعيد عنك يا بلدي 



يا رب لما ارجع القيها اتغيرت عن لما سبتها 



إمضاء 
مجنووون

الاثنين، يوليو 8

فين الرجولة

لما تلاقي وأحد بيقولك أن الناس إلي ماتة



 عند الحرس الجمهوري يستهلوا 


علشان هم إلي هجمو عليهم 


تحس أن الشعب المصري خلاص معدش فيه رجولة ونخوة


وتحس أنك بتتكلم مع شويه متخلفين وعبط



ربنا ينتقم منكم ومن أشكالكم الواطية



جتكم القرف فيكم يا شوية زبالة إلي  خلتكم تشمتوا في أخواتكم الميتين 


إمضاء 
مجنووون


السبت، مايو 18

متفائل جداً

رغم الي بيحصل في مصر 

أنا متفائل جداً 

الي بيحصل دلوقتي عامل زي الغربال 

في كل هزة بينزل الشوائب الي فيه 

وكل واحد بيبان علي حقيقته 

متخفوش ومتزعلوش 

كل الي بيحصل ده 
بكرة يطلع علي فشوف

شوش شوش شوش


إمضاء 

مجنووون

الأربعاء، أبريل 17

يـــا خسارة يا بلدي

الشعب كله دلوقتي بقي ثوار 

أمال فين الناس الي قامت ضدهم الثورة 

؟؟؟؟؟؟؟؟؟؟؟؟؟؟؟؟؟؟؟؟؟

وعجبي 


السبت، فبراير 23

والله مشتاقين يــا قـلبي للـحب الـقـديم



والله مشتـاقــيــن لـلـحــب الــقــديــم


و الله مشتاقين يــا قـلبي دوبـنا الحـنين


الحب اللي عــرفـنا معـاه معـنى الـحياه


الحب اللـي عشنا مـعـاه أجـمـل حياه 


و الله مشتـاقـيـن يـــا قـلبي


 للـحـب الـقـديــم


فــاكــر يــا قلبي لما كـانــوا بين إيـديـنــا


كــان كــل شــيء فـي الدنيا صعب يهون علينا


كــــان الأمــــان


كــــان الحنان


والله زمــان يــا حـبي الـقـديــم

الجمعة، ديسمبر 14

عجبي

الي بيحصل دلوقتي علي موضوع الدستور بيفكرني لما عملت  ( ميثاق شرف المدونين ) 
إلي حبيت أعمل فيه عالم مثالي في التدوين 
وتبقي صلة الناس ببعض اكبر 
وننبذ فيه العادات السيئة الي كانت منتشرة في التدوين 
واتفجأة بردت فعل الناس 
منهم الي قال أني بالميثاق ده بحكم علي الناس ومش بعطيهم الحرية في التعبير 
ومنهم الي قال لازم ادي الناس الحق في أن يعبر عن فكرته مهم كانت غلط 
ومنهم الي عيب علي الكلام من حيث التهجئة 
وفجأة لقيت ناس كانت مساهمة معايا في الموضوع هربوا 
وكل واحد فيهم كان ليه عذره المقبول والي غير مقبول 

ومن الأخر البلد دي لازم تستقر ولازم تطلع قدام 

وبعدين الناس بتحسب الرئيس محمد مرسي ساحر ومعاه عصاه سحرية 
المفروض أنه يضرب في كل مكان يصلحه علي طول 
والمفروض أنه يسمع كلام كل واحد في مصر 
دلوقتي بلاقي كل الناس بتتكلم في السياسة 
والغريبة أن في ناس كان بيحصل ايام حسني مبارك أكتر من كده ومكنتش بتتكلم 

حسبي الله ونعمة الوكيل علي كل واحد شايف الحق وبيكذبه 

إمضاء 
مجنووون

الجمعة، نوفمبر 16

فيس مصطبه

الي بيحصل في الفيس بوك من شتيمه وقلة ادب وناس تشتم في ناس
 
 وناس تجيب في سيرة ناس وبينهشوا في عرض وشرف بعض
 
 
بيحسسني أن الناس إلي علي الفيس بوك شوية نسوان قاعدين علي مصطبة
 
وبيغلطوا في بعض وبيشتموا بعض
 
يا ناس أتقوا الله دي أعراض ناس ومهمها حصل ملكش الحق أنك تغلط في أخوك المسلم
 
 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner