الاثنين، أكتوبر 20

الوثيقة التأسيسية للمدونين

عناصر الوثيقة التأسيسية للمدونين

1- عدم المساس لأي دين أو مذهب بالتجريح وعدم نشر العداوة بين المذاهب المختلفة

2- عدم نشر روح الأنهزاميه بين المدونين ومحاولة السمو بالأفكار والإستفادة منها للصالح العام

3- البعد عن المصلحه والأطماع الشخصية وجعل التدوين نزيه وله هدف سامي

4- المحافظة علي شرف التدوين ومحاولة الأرتقاء به لأعلي الدرجات

5- البعد عن تعليقات المجاملة والعمل علي النقض البناء الذي يهدف إلي تصحيح المفاهيم والتقريب بين الأفكار

6- نشر روح المحبه والأخوه بين الناس

7- البعد عن الأفكار الهدامه والتمسك بالقيم والمبادئ الإسلاميه الحنيفه

8- عدم التخلي عن التدوين قدر المستطاع ومحاولة التواصل حتي ولو علي فترات متباعده

9- مساعدات أخوننا المدونين علي قدر المستطاع ونشر الخير بينهم

10- عدم التعرض بالآساءة أو الألفاظ الجارحه لمن يقوم بالرد علي مدوناتنا

11- التضامن مع أخوننا في كل انحاء العالم وأظهار لهم روح الترابط والأخوة عن طريق التواصل عبر المدونات

12- متابعة تعليقات من نقوم بالرد في مدونتهم لكي يتم الاستفاده من هذا النقاش

13- عدم التسلط أو التطاول علي من يقوم بنقضنا ، ومحاورته بكل حب وتفاهم لكي يتم تصحيح المفاهيم

14- مقاطعة مدونات الشواذ والمثليين وارشادهم للصواب وتعريف المدونين بيهم لكي يتفادوا التواجد معهم

15- عدم نشر العادات السيئة والتقليعات الغريبة التي لا تمت بأي صله للإسلام ولا للعادات والتقاليد الشرقية

اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا

الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس

وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن

يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم

أعضــاء اللـجـنـة الـتـأسيسية للـمــدونـيـن

مجنووون


محاسن صابر

ضد التيار


ايمي



طوبه فضه وطوبه دهب


amr farouk


ساسو


M।K


mostafa rayan


ahmed_k


البحث عن أنا شىء جنونى


ملـحـوظـة
كل من يقراء هذا الموضوع يقوم بنشره في مدونة لكي تعم الفائده وينتشر الموضوع
ولو حد عنده اي استفسار يتفضل وأن شاء الله يجد الإجابة
امضاء
مجنووون

43 نورت مستشفي المجانين:

كـــيــــــــارا يقول...

اووووووووووول تعليق


هيييييييييييييييييييييه

بنت النيل يقول...

السلام عليكم ورحمة الله وبركاتة

جزالك الله خيرا على هذة الوثيقة


ويارب كل المدونين يعمل بهذة الوثيقة


وشكرا خاص لجميع اعضاءاللجنة ربنا

يوفقكم

اتمنى لك التوفيق دائما

بنت النيل

ساسو يقول...

انا قولت القسم
وموافقه علي كل كلمه قلتها
بس كنت عايزه اطلب حاجه
انت في الملاحظه قولت
(ملـحـوظـة
كل من يقراء هذا الموضوع يقوم بنشره في مدونة لكي تعم الفائده وينتشر الموضوع
)
يعني ممكن اكتب الوثيقه دي في مدونتي وطبعا هتكون تحت اسمك واشرافك
ارجو الرد في اسرع وقت
ويشرفني اني اكون من اعضاء اللجنه التأسيسيه
اختك العضوه الصغنووووونه
سااااسوووو

sendrlla يقول...


حلو اوى الموضوع دا
بس يا حلوين دا شبه ميثاق الشرف الصحفى
يعنى اللى ما يحترمهوش يتحبس فورا
المهم انى موافققه عليه وان شاء الله احاول انفذه وبيتهيألى انى لحد دلوقتى ما عملتش حاجه ره دى
..........................
سندريلا
http://sendrlla.blogspot.com/

blue-wave يقول...

تمام يا باشا
بجد تسلم
وانا معاك يا معلم:))

mohamed ghalia يقول...

دايما كيارا كده سبقانا
معاكم بإذن الله
اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا

الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس

وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن

يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم

أختكم فى الله يقول...

جزكم الله خيرا كثيرا

والله كلام تمام جدا جدا

رئيس التحرير يقول...

السلام عليكم ورحمه الله
انا موعود بيكم انشر النص عندي من علي مدونتكم (أزاي ) ومستعد للتنفيذ ولا اكتب انا علي كيفي .
نتعاهد علي ما جاء بالوثيقه ..نرجو عدم ترك الموضوع للنسيان ...نكون بجد..الهمه

romansy يقول...

جميل يامجنون الموضوع دا
ياريت فعلا نلتزم بيه
ولو حد عمل حاجه مش كويسه
ياريت نوجهه ونقوله
واكيد هيكون فيه نتيجه

M.K يقول...

شكرا لك أخي مجنون..
أن أتبعت قولك بالعمل...
وصككت لنا هذه الوثيقه..
بس انشاء الله نتحدث في بعض التفاصيل المهمه في اجتماع ما...
الى ذاك الوقت في أمان الله..

مـجـنـووون يقول...

بنت النيل

منوره أختي الغاليه وأهلا بيكي في وثيقة التدوين

ويا ريت تنسخي الوثيقة عندك علشان تتنشر والناس كلها تعرفها

اسعدني حضورك
مجنووون

مـجـنـووون يقول...

ساسو

اهلا بيكي يا غاليه عضوه معانا في وثيقة التدوين

يا ريت تكتبيها عندك علشان الناس كلها تعرف ومش مهم انا المهم الفكرة بتعتها توصل لكل الناس

اسعدني حضورك
مجنووون

مـجـنـووون يقول...

سندريا

أهلا بيكي عضوه في وثيقة التدوين

يا ريت تكتبيها علشان تتنشر علي لأكبر عدد

اسعدني حضورك
مجنووون

مـجـنـووون يقول...

دكتور عمرو فاروق

ديما منورنا ومشرفنا بتواجدك معانا ، ايدك في ايدي نغير العالم ده

اسعدني حضورك
مجنووون

مـجـنـووون يقول...

محمود جمال

بجد انا فرحت قوي لما لقيتك كتب القسم
تسلم ايدك يا غالي
ويا ريت تكتبها علشان تتنشر علي أكبر عدد

اسعدني حضورك
مجنووون

مـجـنـووون يقول...

أختكم في الله

اسعدني حضورك سيدتي الفاضله
يا ريت تكتبيها في المدونة عندك علشان الناس كلها تعرفها

اسعدني حضورك
مجنووون

مـجـنـووون يقول...

رئيس التحرير

اسعدني حضورك استاذي الفاضل

اعمله نسخ وحطه في المكان الي بتكتب فيه بوست جديد

وان شاء الله قريب حتكون في خطوات عمليه لتفعيل هذا الموضوع

اسعدني حضورك استاذي العزيز
مجنووون

مـجـنـووون يقول...

رومانسي

اسعدني حضورك استاذي الغالي
يا ريت تعملها في بوست عندك علشان الناس كلها تعرفها

اسعدني حضورك
مجنووون

مـجـنـووون يقول...

M.K

اسعدني حضورك سيدتي الفاضله

يا ريت تكتبيها في بوست عندك علشان الناس كلها تعرفها وتسعدي في نشرها

اسعدني حضورك
مجنووون

نيجار يقول...

مجنون أخويا الغالي
أنا بالطبع معاك وياريت اكون معاكم في الموضوع ده وياريت تقولي أبقى عضوه إزاي أوأشارك إزاي و أنا على فكره قريت البوست اللي قبل ده امبارح وبجد عندك حق في كل كلمه قلتها بجد وربنا يباركلك ويجازيك بكل خير
وانا قلت القسم الجميل بجد تحس إن فيه إنتماءوإخلاص عارف لما قلت قسم النيابه قدام الوزير ما حستش بالاحساس ده والله .
ما قولتش بقى مين منوش ولا يا عم براحتك مش هغتت عليك بس هي أكيد أميره زي القمر لا متزعلش هي أكيد أحلى من القمر سلملي عليها .
و تحياتي ليك

mahasen saber يقول...

هايل يا مج انا اتبسطت انك فعلت الموضوع ده
ربنا يوفقك شئ هايل فعلا ...

ahmed_k يقول...

ماشاء الله
جميله فكرتك عن الوثيقه يا مازن
وأشكرك لضمى لفريق المؤسسين
وإن كان لي بعض الملاحظات عليها
والتي سأتركها لحين عقد الإجتماع التأسيسي الأول
ولكني متفق معك في معظمها
ومعك على الدرب من السائرون

وإستعنا بالله المعين

مدينـة من النسـاء يقول...

اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا
الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس
وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن
يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم

من بعد كلامك والقسَم الرائع دا
لا تعليـق

هانى زينهم يقول...

ربنا معاكو ويا ريت فعلا نطبق الميثاق ده عشان التدوين يكون احسن وجزاكم الله خيرا .

البحث عن أنا شىء جنونى يقول...

اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا

الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس

وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن

يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم

من قلبى ليك كل الاحترام والتقدير

لانك بجد انسان محترم .. وان شاء الله نقدر نعمل حاجه كويسة وشكل افضل ومستوى افضل فى عالم التدوين بمشاركه الاضعاء الجميلة اللى كل مصلحتها الارتقاء بعالم التدوين

وان شاء الله موضوعك هيكون على كل المدونات اللى تخصنى

فى امان الله يا بطل :)

اخوك

ماما أمولة يقول...

بني الغالي

بارك الله بك واثابك اللهم امين


اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا

الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس

وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن

يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم

شمس النهار يقول...

الحمد لله
اخيرا حاجه ايجابيه
وعمل مشترك
حاضر هنشره

زهرة الياسمين يقول...

مش عندى اعتراض على كل البنود الجميلة
و لكنى قريت بند واحد محتاج مراجعه و اعادة صياغة و هو البند رقم 14 اللى بيتكلم عن مقاطعة مدونات الشواذ و المثليين
انا كنت كتبت موضوع فى احدى المنتديات بعنوان المنبوذين
و مكانش بيتكلم عن الفئة دى بس من المجتمع لا فئات كتير بيعاملهم المجتمع على انهم منبوذين و مطرودين منه و بيكون عقابهم الدائم هو المقاطعة و ده للأسف بيرسخ فى ذهن الكثير عنهم بإنهم لا يستحقوا حتى حق الحياة و حتى لو عادوا إلى الطريق الصح
و انا شايفة انه بند ظالم شويه لإننا بشر و كل ابن آدم خطاء و خير الخطائين التوابون
و عمر ما مقاطعة اى فئة من دول هتصلح شىء فى المجتمع
يعنى حق المسلم على المسلم التناصح و إننا ناخد بإيديهم و نشجعهم انهم يتركوا الطريق الخطأ أيا كان و يبدأوا فى الطريق الصح
كنت شفت موقع من فترة بيتحدث عن أسس العلاج النفسى للشواذ و المثليين و اللى اتفاجأت بيه و غير نظرتى للموضوع كلية إن من اول أسس العلاج هى اشعار المريض بإنه جزء مننا و من المجتمع و اننا بنتقبله على اى وضع سواء قدر يجاهد نفسه على انه يمشى فى الطريق الصح او انه مقدرش و ده بيساعده كثير فى انه يقدر يتخطى ازمته عشان يكون على قد مستوى التعامل اللى بيعامل به
لما يكون لنا دور فى المجتمع لازم يكون دور إيجابى
مش دور سلبى
و انا شايفة المقاطعة أمر سلبى جدا
لإن المريض محتاج إننا نمد له ايدينا عشان نساعده
مش نبعد عنه و نقوله انك جرثومه و فيرس فى جسد المجتمع و لازم تعدم و يتم إستئصالك منه
الرسول عليه الصلاة و السلام كان بيدعوا لرسالة الحق
و قابله عقبات كتير قوى و اهمها عدم تصديق الكفار له و أذاهم للرسول عليه أفضل الصلاة و السلام و مع ذلك لم يقاطعهم و لم يضع نفسه بداخل حجرة مغلقة لينعزل مع دينه
لا ده محصلش
و لو كان ده حصل ما كانش الإسلام وصل للى وصله ده
أعتقد ان بعد كل ده لازم ننظر للموضوع ببعض الإنسانية و الرحمة و نعرف اننا كلنا أمة واحدة و جسد واحد و ان بتر احد الأعضاء ليس حلا ابدا و الأولى العلاج
آسفة على الإطالة

princess يقول...

انا معاك يا مجنننننننون
مجنزن ايه بس دع عين العقل
تحية للسيد العضو
حاضر البوست الجاى هعمل كوبى بيست وانشر فورا
معاك يا مجننننننننوووووووووووووون:)

princess يقول...

مجنون انا بدل البوست
عملت فكرة احلى
ادخل عندى وبص على الناحية اللى فيها صورة البروفايل والكلام ده:)

ضد التيار يقول...

انا اسمى مكتوب ؟؟؟؟؟؟؟؟

انا اسمى مكتووووووووووووب ؟؟؟؟؟؟؟؟

وثيقة و ضد التيار عاااااااااااااااااااااااااااااااااااااااااااااااا

ايه دا ايه دا لالالالالا دا تكاتل من قوة المدونين للتدبيس

دا انا الوحيده اللى اسمى يتشك فيه انه ارهابى و هايدمر المواصلات اللى بتنقل المدونين لبعضهم

عااااااااااااااااااااااااااااااااا

و كمان استنى عندك ماتتحركش

قسم ايه ؟؟؟

لالالالالالالالا انا لما اتكلمت فى البوست اللى فات و بصمت بالاربعين ماكنش فى اقسام ولا محاكم مش قولت دا تكاتل من قوة المدونين عليه

عاااااااااااااااااااااااااااااا

ياعينى ياضد ياختى كان نفسك تروحى فى مهرجان كان دلوقتى هاتروحى فى خبر كان عااااااااااااااااااااااا

يلا مش مهم اهو اى كان و السلام هو حد لاقى الكانات دلوقتى

يلا بقى منتظرة الاجابه (:

Abdou Basha يقول...

حتأسسوا إيه ؟
وإيه القسم ده يا شباب.. يعني يتقال مرة واحد ولا كل اما ادخل على المدونة؟

Rannon يقول...

حلو قوي
بنود هايلة
موافقة ومعاكم بإذن الله
تحياتي :)

kochia يقول...

فكرة حلوة جدا
وانا قريتها اولا عند كيارا
وعلقت عندها علي ملاحظتين .. بند 5 وبند 14
وعرفت انك انت اللي مبتكر الميثاق
وانتظر توضيح للنقطتين

وانا مؤيدة للفكرة طبعا

تحياتي

قطرات من شواطئ الحياة يقول...

فكرة رااااائعة
أؤيد !!!

اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا

الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس

وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن
يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم

طوبة ذهب وطوبة فضة يقول...

اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا

الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس

وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن

يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم


هوا دا الشغل اللى بجد كلنا معاك وانا هعمل الوثيقه انا كمان عندى فى المدونه وياريت تكون حاجه بسيطه تساعد تحياتى

EMMY BABY يقول...
أزال المؤلف هذا التعليق.
جمعاوي يقول...

السلام عليكم بجد فكرة جامدة جداااا ربنا يكرمك عليها . طيب أنا دلوقتي ماسك المصحف أبدأ أحلف بقى والا إيه ههههههه دمت لنا بألف خير ويلا سلام

حـــــ الــجــنــة ـــــور يقول...

السلام عليكم

بجد موضوع هايل وأنا معاكم يا أخواني
اقسم بــالله الـعـظـيم أن احافظ علي شـرف التدوين وأن أعـمـل جاهدا عـلي ان أرتقي بهذا

الـمـجـتـمع الإلكتروني لـكي يـكون صوت الناس وللناس وأن أقوم بنشر روح الأخوة والـمحبه بين الناس

وأن أعمـل جاهدا علي رفع الـمـعـنـويات لدي الـمـدونين لكي يبدعوا وأن نقف بجانب كل من

يـحـتـاج العون وأن نتـعـامل مع أخواننا الـمدونـيـن بالحسنه والأخوه وأن التزم

جعل الله هذا العمل في ميزان حسناتكم جميعا
تقبل تحياتي وخالص إحترامي يا أعقل مجنون

خواطر ليست عابرة يقول...

أتمني لكم التوفيق
أوافق علي ما جاء في الوثيقة
وهو كلام محترم جدا

princess يقول...

مجنون انا انسحبت من المدونة اللى كنا مشاركين فيها مع بعض الخاصة بالوثيقة
مش جبن ولااستسلام بس الناس معرفتش تستوعب الفكرة وفى ناس مبتعرفش تعبر عن رايها غير بالتجريح
بس انا هفضل مؤمنة بالنقط اللى جات فيها وهطبقها علطول
متزعلش منى
انا هسيب النقط زى ما هى فى المدونة:)
تحياتى

عمر يقول...

يمكن أكون من غير الموقعين على الوثيقة

لكن بأحييكم جداً على إشاعة مفهوم حرية الرأي والإرتقاء بمستوى تحضر بلادنا

وربنا يعينكم على الجهلة والرجعيين

وتقبلوا خالص إمتناني وتحياتي ومجاملاتي

مصر دي أم الدنيا

بحبك يا مصر

بحب دماغ ناسك

ربنا يقويكم

mohamed يقول...

السلام عليكم
خالص تحياتى واعجابى بالفكرة والوثيقه
واركانها
واتمنى فعلا كل من وجد له مكانا يدخله فى عقول الناس ان يعلم انه مسؤلا وسيحاسب على ما يكتبه وما يبثه فى عقول الاخرين
واؤيد بشدة نشر الامل وعدم الياس
ولكن فى جزء من المدونه اللى بيقول

(البعد عن تعليقات المجاملة والعمل علي النقض البناء الذي يهدف إلي تصحيح المفاهيم والتقريب بين الأفكار)
اخى كلمه المجامله فى حد ذاتها كلمه جميله ومعناها القول الجميل وكل ما هو جميل وهذا يحسنا عليه ديننا واخلاقنا سواء فى النقد او فى الاطراء والشكر
اما النفاق فهو ليس المجامله وانما هو ما تقصدة الكذب والثناء بما ليس موجود او موجود عكسه
اتمنى ان تبدل كلمه المجامله بكلمه النفاق
حيث ان تغيير المسميات من اول معوقات التفكير الجيد
خالص تحياتى وامتنانى
اشوفك بين حروفك
سلااااااااام

 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner