الثلاثاء، أكتوبر 14

أمــيــرة والـمجـنـون


يــا سيـدتــي الأمـيــرة
إن عشــاق الـجـمـال
كـلـهـم وأقـفــون بـباب
قـصـرك الـمـرصـود
يــذوبــون شــوقــاً يـذبـون
كلهم يعيشون تلك اللحظة
فــي الـخـيـال
فــي الـظـنـون
كـلـهـم يتمنون
إطــلالــة الـسـاحـرة
لا يـعـرفــون أنـهـم يحلمون

سـيـدتـي الأمـيـرة
يـا أبنة سلطان الجمال
هــل يسـكـن الـجـنـي
فــي ثــوب الـجـلال

هل يشرق الفجر الجميل
علي النخيل
علي الظلال
هل تسعد العين الليلة
مــرة بين الخيال
هــل يـقـدر العـصـفـور
أن يتحدي أطيار الجبال

سـيـدتــي الأمـيــرة
دعـيـنـا نــراك
فـقــد تعـرفيننا
فــإنــا رفـاقــك
مـنـذ الـصـغـر
هـــل تــذكــريــن؟؟؟

وإنـــــا
ضحاياك
منذ الطفولة
فهل تنقذينا
وإنا قرارك
منذ الصغر
فهل تعذرينة

أيـا سيدتي الأميرة
كفـاكـي دلالاً
فــإنــا شـمــوع
سئـمـنـا الـحـيـاة
رفـضـنـا الـمـمـات
كـسـرنـا الـقـلــوع
ضحكنا كثيرا
حصارة وسـعــادة
في قـلـبـي دمــوع
ومـاتت زهــوري
فـهــل تنقذينا
للأ نـضـيـع
وزهــري يضــوع

أيا سيدتي الأميرة
كــوني جـديــرة
بحـب الأمـيـر
وكــونــي ظـــلالاً
كــظـل الأسـيـر
وكــوني ظلالاً
لــوقــت الهجـيـر
فقد تـغـرقـيـن
فــي حـب الأجـيـر
وقــد تـغـرقـيـن
فــي حب الأسير
وقــد تسكنين
فــي قصــر كبـيـر
وقــد تسكنين
فــي قلب صغير
فمــا القصر إلا قيوداً لحبك
وما القلب إلا قيود الحرير


امضاء
مجنووون

64 نورت مستشفي المجانين:

الطالبة عفو الله يقول...

انا أول تعليق يا سلالالالالام هات الحلاوة بقى
مهو مش حكون أول تعليق و ما اخذش حاجة
لما تديني المصاصة ابقى اعلق
هئهئهئهئهئهئه

الطالبة عفو الله يقول...

يا ربي اكيد مش انا اول تعليق بس كان يتهيالي الله المستعان
المهم سا يلام على الرومانسية يا مجنون
يا بخت الاميرة بدلع الامير
ما شاء الله بوست جميل و كلام أجمل
ايه الابداعات دي يا مجنون ربنا يبارك فيك
بس برضو مقتلناش تبقى مين منوووووش
اكيد هي الاميرة صح؟؟؟؟

الطالبة عفو الله يقول...

يعني فعلا انا اول تعليق طاب هات المصاصة و لا قلك عات اتنين ليا و لصحبتي
هههههههههههههههههههه

مـجـنـووون يقول...

ههههههههههههههههههه

أنتي لسه صاحيه

والله فرحان قوي انك متبعه مدون المجانين دي


وليكي يا ستي ألف مصاصه كل مصاصه تنطح مصاصه ههههههههههههه

تقبلي جنوني
مجنووون

الطالبة عفو الله يقول...

هههههههههههههههههههه
يعني انت الي نمت
في خد ينزل موضوع في ساهة زي دي ؟؟؟؟
شفت اديني هيست و مكان ما اكتب ساعة كتبت ساعة
دي اخرت المجانين الي بيسهروا
يلا انا رايحة انام تصبح على خير

yoyo يقول...

لله الله عليك وعلى جنونك يا مجنون

بجد تحفة وكلمات فى منتهى الجمال والروعة


سـيـدتـي الأمـيـرة
يـا أبنة سلطان الجمال
هــل يسـكـن الـجـنـي
فــي ثــوب الـجـلال

الجملة دى حلوة اوى الصورة فيها جميلة بجد

فقد تـغـرقـيـن
فــي حـب الأجـيـر
وقــد تـغـرقـيـن
فــي حب الأسير
وقــد تسكنين
فــي قصــر كبـيـر
وقــد تسكنين
فــي قلب صغير
فمــا القصر إلا قيوداً لحبك
وما القلب إلا قيود الحرير

احساسك عالى اوى ورغم دلع اودلال اميرتك الا انك صابرا على دلالها لانك تهيم بيها حب وتعلم انك انت اميرها ولا احد سواك

اممممم يا بخت الاميرة باميرها حتى لو كان مجنون لانه هيكون مجنون بيها وبحبها

تحياتى
يويو

hager za3bal يقول...

ايه ياعم الرومانسيه دي
دا الحب وصل لمستشفي المجانين بقي
:D :D :D

أيا سيدتي الأميرة
كــوني جـديــرة
بحـب الأمـيـر
وكــونــي ظـــلالاً
كــظـل الأسـيـر
وكــوني ظلالاً
لــوقــت الهجـيـر
فقد تـغـرقـيـن
فــي حـب الأجـيـر
وقــد تـغـرقـيـن
فــي حب الأسير
وقــد تسكنين
فــي قصــر كبـيـر
وقــد تسكنين
فــي قلب صغير
فمــا القصر إلا قيوداً لحبك
وما القلب إلا قيود الحرير

بجد كلامك جميل اوي

ان شاء الله تكون منوش منوره حياتك وتفضل الاميره علي طول
:)

تقبل مروري
تحياتي

احمد بدر الدين يقول...

رائعه....................
لا يخرج هذا الكلام الا من انسان يعيش حاله معينه......

هى التى ساعدت على اخراج هذا الكم من الابداع.........
صفها لنا اذا اخى

سلاموووون

ماما أمولة يقول...

أيا سيدتي الأميرة
كــوني جـديــرة
بحـب الأمـيـر
وكــونــي ظـــلالاً
كــظـل الأسـيـر
وكــوني ظلالاً
لــوقــت الهجـيـر
فقد تـغـرقـيـن
فــي حـب الأجـيـر
وقــد تـغـرقـيـن
فــي حب الأسير
وقــد تسكنين
فــي قصــر كبـيـر
وقــد تسكنين
فــي قلب صغير
فمــا القصر إلا قيوداً لحبك
وما القلب إلا قيود الحرير

ايه الروعة دي
انت فنان
نسجت كلماتك بحروف الحب
فصارت تحفة
تسلم ايدك ويسلم احساسك
يا اعقل مجنووون

مش لاقية اسم يقول...

السلام عليكم
اية دة يا اخواتى امير الشعراء بيتكلم
لالالالالا
حاجة فظيعة
بوست موز موز موز
كل سنة وانتة طيب
ميرسى على التعليق عندى
سلاموزززز

ضد التيار يقول...

أيا سيدتي الأميرة
كــوني جـديــرة
بحـب الأمـيـر
وكــونــي ظـــلالاً
كــظـل الأسـيـر
وكــوني ظلالاً
لــوقــت الهجـيـر
فقد تـغـرقـيـن
فــي حـب الأجـيـر
وقــد تـغـرقـيـن
فــي حب الأسير
وقــد تسكنين
فــي قصــر كبـيـر
وقــد تسكنين
فــي قلب صغير
فمــا القصر إلا قيوداً لحبك
وما القلب إلا قيود الحرير

احساسك حلو قوووى

و ان شاء الله الاميرة تكون جديره بحب الامير

نيرة و منةالله يقول...

يا عينى يا عينى
ايه الكلام الجامد دة
؛)
:)

أختكم فى الله يقول...

ما شاء الله

ايه الجمال ده

والله كلام فى منتهى الروعة

تسلم ايدك

romansy يقول...

كلامك جميل يا اجمل مجنون فى الدنيا

صحيح مش بيقولوا خدوا الحكمه

انا كده اتمنت انى اكون مجنون زيك علشان اقول الكلام الحلو دا

kochia يقول...

حلو البوست
رقيق ولذيذ
لكن
هــل يـقـدر العـصـفـور
أن يتحدي أطيار الجبال
"كلمة اطيار دي انا مستغرباها شوية
هي عشان الوزن ولا صح لغويا ؟

فارس القمر يقول...

أيا سيدتي الأميرة
كــوني جـديــرة
بحـب الأمـيـر
وكــونــي ظـــلالاً
كــظـل الأسـيـر
وكــوني ظلالاً
لــوقــت الهجـيـر
فقد تـغـرقـيـن
فــي حـب الأجـيـر
وقــد تـغـرقـيـن
فــي حب الأسير
وقــد تسكنين
فــي قصــر كبـيـر
وقــد تسكنين
فــي قلب صغير
فمــا القصر إلا قيوداً لحبك
وما القلب إلا قيود الحرير

================
ايه ياهم الجميل كلماتك الجميله يابخت اميرة بالمجنون
وكلماتك اللى طالعه من الحته اللى فى الشمال
الا قولى منوش دى بقى تبقى مين ?!!ممممممممم اوعى تخبى علي اخوك وصاحبك
بجد يابختها بيك وبكلامك اللى زى العسل دا
بس ارجع واقولك خلى بالك تاخد صابونه .... فاهم طبعا صابونه يعنى ايه
ههههههههه
سلام لمستشفى المجانين
تقبل مرورى
فارس

مـجـنـووون يقول...

الطالبة عفو الله

لا صدقي أنتي أول تعليق

الله يخليكي يا رب علي كلماتك الرقيقة
قريب حتعرفي هي مين بس أكيد مش أنتي ههههههههههههه

اسعدني حضورك
مجنووون

طوبة ذهب وطوبة فضة يقول...

لا اظن انه تواجد اميره على وجه الارض ايا كانت لغتها وايا كانت اعذارها تسمع هذا الكلام ولا تتاثر به ولا اقدر الا ان اقول هنيئا لها بك وحقا اسم منوش جميل فهل هى جميله مثله

مـجـنـووون يقول...

الطالبة عفو الله

هههههههههههههههههههه
يعني انت الي نمت
في خد ينزل موضوع في ساهة زي دي ؟؟؟؟
شفت اديني هيست و مكان ما اكتب ساعة كتبت ساعة
دي اخرت المجانين الي بيسهروا
يلا انا رايحة انام تصبح على خير


انت هيستي خالص عندك غلطتين غلطة في (ساهة) وغلطة تانيه في (خد) ههههههههههههههه
شاطر قوي في اللغه العربية

اسعدني حضورك
مجنووون

انا ودماغي يقول...

سيدى يا سيدى
أنا لقيتك كتبت بوست جديد قلت قشطة منوش شغلتك ....روحت و قريت بس مقدرش أمشى من غير ما أسيب تعليقى الكريم (وش متكبر)
سجلت دخول عشان خاطر سيادتك و ياريته نافع إلا حتى ما افتكرتنى و انت بتوزع المصاصات
آدى أخرة اللى علق و لا نلش

لا بجد يا مجنون الكلام رائع و الرومانسية اللى فى البوست ده خلتنى كدة قاعدة سرحانة و ناسية الكتب اللى قدامى

ربنا يا رب يهنيك

طب و الله دعتلك من ساعة ما عرفت إن فى منوش فى الموضوع إن ربنا يوفقك و يسعدك معاها و يعوضك عن البت التانية دى اللى خلتك تكتأب و تكأبنا معاك
طب انت ماشى أحنا ذنبنا إيه(وش متعصب)

لا بجد انا فرحت لما قريت البوست ده لقيتك فى حالة جميلة كدة يااااااااااااااااااااارب نحسها بقى
إهىء إهىء
هاتلى منديل احسن أبللك المدونة


قشطة عليك؛)


هات المثاثة بقا

مـجـنـووون يقول...

yoyo

ديما بتنوريني بتعليق الجميل وكلامك الرقيق

الله يخليكي يا رب ديما بترفعي من معنوياتي

كملي جميلك واديني ربع جنيه سلف علشان انا محتاجه قوي ههههههههههههههههه

الأميرة لأزم تتدلع مش أميرة ومن حق الجميل يدلع هههههههههه

اسعدني حضورك سيدتي الفاضله
مجنووون

mohamed ghalia يقول...

كلمات رائعة
سلم لك قلمك
تقبل تحياتى

مـجـنـووون يقول...

hager za3bal

منور يا جميل المدونة

الحب وصل من زمان بس انتي مش واخده بالك

شكرا علي دعائك الجميل ده
أمين يا رب العالمين

اسعدني حضورك
مجنووون

مـجـنـووون يقول...

أحمد بدر الدين

أول زيارة بس بجد مبسوط بيها قوي ويا رب ديما تنور مدونتي

وشكرا علي كلماتك الرقيقة

اسعدني حضورك سيدي
مجنووون

مـجـنـووون يقول...

ماما أموله

كم يسعدني تشريفك لمدونتي المتواضعه

الله يخليكي يا رب الكلمات جميله علشان انتي قرتيها وكتبتي تعليقك عليها

اسعدني حضورك أمي الغاليه
مجنووون

مـجـنـووون يقول...

مش لاقية اسم

كم يسعدني حضورك سيدتي

وعليكم السلام ورحمة الله وبركاته

شكرا علي كلماتك الرقيقة

يعني ايه موز موز موز أنتي جعانه والا ايه هههههههههه

وبعدين تعالي هنا أنتي مش لاقيه أسم ليه أنتي لسه صغيره ههههههههههههه

اسعدني حضورك
مجنووون

مـجـنـووون يقول...

ضد التيار

اسعدني حضورك سيدتي الفاضله

شكرا علي كلماتك الرقيقة

أن شاء

اسعدني حضورك
مجنووون

مـجـنـووون يقول...

نيرة ومنة الله

أول زيارة وأن شاء الله تنوريني ديما

الله يخليكي يا رب علي كلماتك الرقيقة

اسعدني حضور ( نيرة - منة الله )
مجنووون

مـجـنـووون يقول...

أختكم في الله

ديما بتفرحيني بزيارتك الجميله لمدونتي

شكرا علي كلماتك الرقيقة

اسعدني حضورك
مجنووون

مـجـنـووون يقول...

romansy

والله ببقي فرحان لما بتنور مدونتي

الله يخليك يا رب ويشرفني أنك تكون مجنون زيي وتنور المستشفي بتعتي علي طول

اسعدني حضورك
مجنووون

مـجـنـووون يقول...

kochia

منوره أختي الفاضله مدونتي المتواضعه

كنت أنتظر الزيارة دي من زمان ، طبعا انتي عطتيني علي دماغي في المدونة عندك معتطنيش أي فرصه وأخدتي الموضوع عند مش نقاش جاد تسفيدي منه وأنا أستفيد ولكنه أخذ طابع العند
بس صدقيني أنتي ظلمتيني
ملحوظة : أول العنوان كنتي كتبه نعم لأمريكا لو أخدتي بالك

وعموما تشرفت بمعرفتك وبزيارتك لمدونتي المتواضع

كلمة أطيار صح لغويا أنا بعتقد ذالك ولو عندك رائي ثاني أتفضلي حضرتك
ومنك نتعلم سيدتي الفاضله

اسعدني حضورك
مجنووون

مـجـنـووون يقول...

فارس القمر

منور يا غالي مدونتي المتواضعه

شكرا علي كلماتك الرقيقة

لما أعرف أنا حبقي ااقولك ههههههههههههه

ربنا يستر

أيوه فاهم ومجرب كمان هههههههههههههههههههه

اسعدني حضورك
مجنووون

مـجـنـووون يقول...

انا ودماغي

منور يا باشا المدونة

**********************
طبعا شغلتني مش أميرة

انا بنتظرك تعليقك ديما علشان أعرف رائيك

هههههههههههههههههههه انا شيلك خمسين مصاصه في جيب البطلون ( وش مغمص )

***************************

الله يخليكي يا رب علي كلماك الجميله وتشجيعك لي

*****************

ليه سرحانه ؟؟؟

************
ويهنيكي انتي كمان وتلاقي مجنون يطلع عينك ههههههههههههههههههه


*************************

ذنبكم أنكم عرفتوني ولأزم تستحملوني


ديما بتنوري مدونتي

اسعدني حضورك وسلميلي علي دماغك هههههههههههه

مجنووون

مـجـنـووون يقول...

mohamed ghalia

كم يسعدني حضورك سيدي الفاضل

شكرا علي كلماتك الرقيقة

اسعدني حضورك
مجنووون

مـجـنـووون يقول...

طوبة فضة وطوبة ذهب

كم يسعدني تشريفك لمدونتي المتواضعه

الله يخليكي يا رب علي كلماتك الرقيقة

وهي تستاهل أكتر من كده ، بس هي متقللش من نفسها وتكون عارفه أن هي تستاهل أكتر من كده


اسمها جميل وهي أجمل

اسعدني حضورك
مجنووون

mahasen saber يقول...

الله والله حببتنى فى اللقب ...والاسم برضه
جميل قوى لما الحبيب يشوف حبيبته كده
وهو فى الغالب المحبين بيشوفوا بعض كده
بس الاجمل المكانه الجميله والعاليه اليى انتا حطيتها فيها
...جميله كعادتك بس انا عايزه افهم حاجه انتا محامى بدرجة شاعر ولاا ايه
طب مرافعة القضايا بيبقا فيها شعر برضه...
رائع رائع وربنا يوفقك دايما...

EMMY BABY يقول...

بجد جميلة اوى

قمة الرومانسية فى وصفك ليها واحساسك بيها


حلوة الاميرة والمجنون

بدل الاميرة والوحش

وفقت فى اختيار العنوان وخاصة لما شلت الالف واللام على حد فهمى يعنى هههههههههه

ابدعت كالعادة بس المرة دى غير كل مرة

صدق اللى قال الحب ملهم للشعراء

تحياتى

ايمى

حـــــ الــجــنــة ـــــور يقول...

السلام عليكم
بجد إنظاري مارحش هدر كلماتك زي ماعودتني جميله وتدخل القلب بجد بوست هايل ربنا يباركلك في إحسااااسك المرهف وكلماتك العذبه يا أجن شاعر
وبقلك يا بخت الأميره بغزلك وكلامك فيها ربنا يديم المحبه ويخلي الأميره للأمير
ويا يت تسلملي على الأميره وعقبال البكاري إن شاء الله ههه
على فكره أنا جبت كل ورقي علشان أحجز بالمستشفى بتعتك يا ريت تقبلوني مجنونه تحت التمرن ههه
تقبل سلامي وتحياتي

هانى زينهم يقول...

يا اخى احنا طيبين اوى . يعنى بنفضل نضخم فى الحاجة وننفخ فيها عشان لما تطرقع فينا تخضنا بجد !!
معلش خاطر جانى وانا باقرا الكلمات الجميلة دى .
وإنـــــا
ضحاياك
منذ الطفولة
فهل تنقذينا
وإنا قرارك
منذ الصغر
فهل تعذرينة

تعبيراتك مفرطة فى الرومانسية ورقيقة وجميلة بجد .الا قولى يا صاحبى واحدة زى دى تبقى شبكتها كام ؟!!

ساسو يقول...

لا لا لا
عرفت عنك انك مجنووون في كل حاجه بس اول مره اعرف انك في الرومنسيه مجنووون للدرجه دي
بجد جميل
يارب تلاقي اميرتك اللي تسكن قلبك وتسعدك

اختك الصغنووونه اللي اتجننت بسببك
ساااااااسووووووووو

مـجـنـووون يقول...

محاسن صابر

شفتي أنا كتبت الأسم صح المرة دي هههههههههه

طبعا الحاجه بتتغير حسب حبنا ليها ، بمعني أن في حاجه تبصلها وتعجبك ولما تسالي واحد تاني عن رائيه يقول عكس كلامك

أناا محامي بدرجة مجنون

ايوه طبعا والقضاه بيحبوا الشعر واللخطب العصما ، يعني اتغزل فيه بكلمتين يديني أعدام علي طول هههههههههههه

اسعدني حضورك أختي الغاليه
مجنووون

مـجـنـووون يقول...

أيمي

كم يسعدني تشريفك لمدونتي المتواضعه

شكرا علي كلماتك الرقيقة

مش فاهم المعني ؟؟

الله يخليكي يا رب وديما تنوريني بتعليقك الحلو

اسعدني حضورك
مجنووون

مـجـنـووون يقول...

حور الجنة

وعليكم السلام ورحمة الله وبركاته

الله يخليكي يا رب علي كلماتك الرقيقة

أمين يا رب العالمين

يوصل أن شاء الله بس تدفعي كام هههههههههههه

انتي تشرفي المستشفي . ال تحت التمرين ال أنتي تدخلي المستشفي تبقي مجنونة بدرجة استاذه ورئيسة قسم ههههههههههههههههههه

اسعدني حضورك
مجنووون

مـجـنـووون يقول...

هاني زينهم

أستاذي العزيز والغالي
يؤ يؤ فهمت كلامك يا كبيرررر

أحنا بنعمل إلي علينا والباقي علي ربنا
وبعدين المثل بيقول القط ميحبش إلا خناقة هههههههههههههههه

وبعدين شكلك مجرب والمثل بيقول اسأل مجرب ولا تسأل طبيب ، فقولي رائيك

هههههههههههههههههههههههه والله بعد الكلام الي أنا كتبه ده يبقي المفروض هي إلي تجبلي شبكه

اسعدني حضورك استاذي العزيز
مجنووون

مـجـنـووون يقول...

ساسو

منوره يا غاليه المستشفي

أنا مجنون كوكتيل هههههههههههههههه

شكرا علي كلاماتك الرقيقة

أمين يا رب العالمين

اسعدني حضورك
مجنووون

Beram ElMasry يقول...

صديقى العاشق المجنون
شكرا على الزيارة وشكرا على الاطراء
اسم كرباج اسم المدونة وليس اسمى الى جانب انه اختيار الاصدقاء
وكــوني ظلالاً
لــوقــت الهجـيـر
فقد تـغـرقـيـن
فــي حـب الأجـيـر
وقــد تـغـرقـيـن
فــي حب الأسير
وقــد تسكنين
فــي قصــر كبـيـر
وقــد تسكنين
فــي قلب صغير
فمــا القصر إلا قيوداً لحبك
( وما القلب إلا قيود الحرير )
جميل ولكن قيود الحرير ، فتكون قيود مضافة ، ام القيود الحرير فتكزن القيود موصوفة ، اشياء بسيطة يمكن تلا فيها بالتدقيق والمراجعة
تقبل تحياتى والسلام

!!! عارفة ... مش عارف ليه يقول...

الحالة الشعرية رائعة
وهناك حفاظ على الجو العام
بالإضافة إلى الجرس الموسيقي للكلمات

العمل رااائع
تقبل مروري

دومت دوماً مبدعاً
وليد

كباريه يقول...

أمطرنا بمزيد من الجنون فنحن بحاجة للتدثر به

M.K يقول...

جميله هي كلماتك....فقد تـغـرقـيـن
فــي حـب الأجـيـر
وقــد تـغـرقـيـن
فــي حب الأسير
وقــد تسكنين
فــي قصــر كبـيـر
وقــد تسكنين
فــي قلب صغير
فمــا القصر إلا قيوداً لحبك
وما القلب إلا قيود الحرير

.....
كلام مجنون بجنون خاص....
........
تحياتي

الطالبة عفو الله يقول...

قريب حتعرفي هي مين بس أكيد مش أنتي ههههههههههههه

و مين قالك اننا عاوزة اكون انا الاميرة هههههههههه

انا اميرة اه بس لناس تانية
و خليك انت مع اميرتك

مـجـنـووون يقول...

عارفة .... مش عارف ليه

منور يا غالي مدونتي المتواضعه
شكرا علي كلماتك الرقيقة ونقدك البناء

اسعدني حضورك
مجنووون

مـجـنـووون يقول...

كبارية

نورتيني يا غاليه
وشكرا علي كلماتك الرقيقة

اسعدني حضورك
مجنووون

مـجـنـووون يقول...

m - k

كم يسعدني مرورك بمدونتي سيدتي الفاضله

شكرا علي كلماتك الرقيقة

اسعدني حضورك
مجنووون

مـجـنـووون يقول...

الطالبة عفو الله

هههههههههههههه انتي لسه صاحيه تاني

وبعدين المثل بيقول نوم الظالم عباده هههههههههه

ويا ستي ربنا يسعدك انتي وأمير بتاعك بس اابقي شوفي بطاقته الأول هههههههههههههههه

اسعدني حضورك
مجنووون

مشمشه يقول...

عجبنى اوى من ضمن التعليقات ماما اموله لما قالت نسجت كلماتك بحروف الحب وهو ده التعبير الصح الاحساس هو الى بيصنع الكلمات وكلماتك معبره عن الحاله ويا رب تدوم الحاله وتفضل تكتب ليها لحد اخر العمر

آلاء يقول...

كلام جميل اوي و رومانسي اوي


تسلم ايديك

elsha3er يقول...

الكلام الجميل دة لا يمكن يطلع من مجنون دمت مبدعا


احمد الشاعر

بنت النيل يقول...

السلام عليكم ورحمة الله وبركاتة

ازيك يا مجنون عايزة اقولك على حاجة

الا بيقول على نفسة مجنون بيكون اعقل

واحد ومش عارف يعيش فى زمن المجانين

وسعيدة بمرورك دائما

يا سيدى الامير جميل جدا البوست

واحييك على كلامك الرائع

أيا سيدتي الأميرة
كــوني جـديــرة
بحـب الأمـيـر

أيـا سيدتي الأميرة
كفـاكـي دلالاً

اتمنى لك التوفيق دائما

بنت النيل

ندا منير يقول...

واو
مين الشخصية الرائعة دى
واللى تستاهل كل الكلام الحلو دا

عجبتنى كلماتك جدا جدا جدا
وبجد بيصف وبيجسد شخصية صعب تبقى موجودة دلوقتى فى الواقع

كـــيــــــــارا يقول...

كلمات جميله اوي شكلت بيها سيمفونيه رائعه

ربنا يوفقكك ويوفق الاميره

دعاء مواجهات يقول...

كدة هتخلينى أبدأ أشك

فى صحة قواك الجنونيه

كلماتك رائعه فعلا

تحياتى ليك

بيس

مدينـة من النسـاء يقول...

فقد تـغـرقـيـن فــي حـب الأجـيـر
وقــد تـغـرقـيـن فــي حب الأسير
وقــد تسكنين فــي قصــر كبـيـر
وقــد تسكنين فــي قلب صغير
فمــا القصر إلا قيوداً لحبك
وما القلب إلا قيود الحرير


ياريتك تصدقني لو قلت لك أروع وصف بجد قريته عن مملكة الحب واستعباده للحبيبين من غير أسر أو قيود
مملكه بتسكن فيها جوا أحضان القيود من غير تفكير في الهروب
عنيك مش بتشوف فيها غير جدران مش وراها غير قلبين سابوا الدنيا كلها وسكنت روحهم في نبض بعض
مملكه بالوصف اللي كتبته أكيد معناها جواك مش مجرد كلام
ومهما كانت أميره مش بيحكم القلب سلطان ..
دا دقة القلب بتنادي مهما كانت المسافه وبيسمعها القلب التاني لو مسجون ورا الجدران

بجد قلبك فاق الحد في وصف معنى جواه
تحيـاتي ليك ...

نيجار يقول...

مجنون اخويا الغالي
اولا بشكرك على اهتمامك وسؤالك عليا بس انت عارف ان احنا في أول السنه القضائيه والشغل بيبقى كتير وشادد ده غير ان الفتره دي فتره التفتيشات ادعيلي ربنا يعديها على خير ،
وغير كده احساسك صح بس الحياه بتعدي وما فيش مشكله او حاجه صعبه بتفضل على طول كله بعدي والحمد لله على كل شئ
نيجي بقه للمهم بجد حلوه قوي الكلمات تحفه بجد عارف حاسه ان اي واحده هتقرأالكلمات دي هتحس انها ليها ههههههه لأ بجد والله عجبتني الكلمات قوى ومش عارفه ليه فكرتني بفيلم بموت فيه ومن الافلام المفضله عندي اسمه enchanted
معلش طولت عليك بس ياريت التعليق ينزل المره دي احسن من امبارح معلق
تحياتي

شمس النهار يقول...

القصيده حلوه قوي
بس هي جمالها في التناقض كوني جديره بحب الامير
حب الاجير
حب الاسير
مجنون قوي الخيال ده
بس عجبني

 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner