السبت، أغسطس ٣٠

كــانــوا بـيـحـسبـوا


كانوا بيحسبوا أن أحنا من غيرهم حنضيع
حـنـتـوه ونـبـيـع
لا يا قلبي قولهـم مش أحنا إلــي بنضيع
ولا عمـرنـا بعنا ولا في يوم حنبيع
قولهم يا قلبي
أحنا الحبايب ، أحنا القرايب ، أحنا الحبايب ، أحنا النصيب
*************
بس يــا خسـارة مـقـدرتوش في يوم حبنا
بعتونا ويـــا ريتكم مــــا بعتونا
اترميتوا فــي أول حضن قرب منكم
واحتا يــامـا حضننا كــان بيدفيكم
واحنا ياما سهرنا الليل علشان نور عيونكم
واحـنـا يـامـا ضحينا علشان رحتكم وسلامتكم
*************
يـا قـلـبـي متخفش الدنيا دواره
وبكرة إلي بعونا حيندموا ويقـــولــوا
لــو يــوم مــن يـومـنـا
لــــو لحظـة أو ثـانـيـه
وحـيـجـروا علينا عـوزنـا نضمهم
عـوزنا نقف جنبهم ونحسـهـم
عــوزنــا نـقـولـهـم بنحبـكم
يـبـقـوا بـيـحـلـمـوا يــــا قـلـبــي
لان القلب ألي حب بإخلاص
وملاقش غير الغدر والخيانة من اعز الناس
عـمـره مـا يـرجـع تــانــي
***************
الـحـب ضـاع يــوم مــا سـبـتونــا
الـحـب ضـاع يــوم مــا هــونــا عليكم وخـنـتـونـا
الـحـب ضــاع يــوم مــا قــولـتـم أن أحنـا مش ليكم
الحـب ضـاع يــوم مـــا اتخليتوا عـنــا وبعـتـونـــا
************
انســونــا واحـنــا بــرده حنـنســاكـــم
حـنـنـساكــم عـلـشان انتـوا مــا قـدرتــونـا
وقصــاد حـبـنـا مـلـقـنـاش مـنـكـم غـيـر غــدر وخـيـانـة
يــا قـلـبـي خـلـيـك صــابــر
يــا قـلـبـي مـش دول إلــي يستهـلــوك
*************
قــولـهــم بــأعــلي صـوتـك
معلـش الـعـيـب عـلـيـنا
عـلشـان أحـنـا مـديــنــا أيــديـنـا لـيـكـم ووقـفـنـا جنبكم
العيب علينا علشان صبرنا عـلـي أذاكـم وغــدركــم
العيب علينا عـلشـان متخيـلـناش أن انتوا فـي يــوم تبـعـونـا بـغـدركــم
تـبـعـونــا عـلشــان شـئ رخـيـص
عــلشـان شــئ حـقـيـر ميسويش
**************
مـش حـقــدر ااقـــول غـيـر ربـنا يـوفـقـكـم ويـهـديـكـم
وتـلاقـــوا الـقـلـب ألــي يـكـون زيـكـم
لـكــن احـنا انسونا
ونــوعــدكـــم أن أحـنـا حـنـنـساكــم
**************
ال بحبك ال ، ال بعشقك ال ، ال بتوحشني ال
طـلـع كـلـه كـــلام فـــي كــلام هــو الـكلام بـفـلـوس؟
الـكــلام ببلاش بس الإحـسـاس غــالــي
وانـتـوا مـقـدرتـوش إحـسـاسـنا وحـبـنـا
يـبـقـي خــلاص سبـونــا وابـعــدوا عـنـنـا
امـضــــــاء
مـجـنـووون

55 نورت مستشفي المجانين:

نـــــور يقول...

هههههههههههه
حلوة يعنى انا دلوقتى ف مستشفى المجانين؟؟

ربنا يسترها بقى

المهم
شوف تفكيرك صح جدا ولو كنت قلت غير كده كنت هقولك اللى يبيعك بيعه المركب اللى تودى مش قله اصل انما محافظ منك على احساسك ومشاعرك وكرامتك

واديك قلت الدنيا دواره يوم لك ويوم عليك


انشالله باحسن حال

كل سنه وانت طيب ورمضان كريم

غروب يقول...

اول تعليق ............ ليه السبق


المدونه رقيقه وكلماتك حلوه

تقبل تحياتى وتقديري

انسانةعادية فى عالم مش عادى يقول...

الظاهر فعلا موضة الاكتئاب جات على المدونيين كلهم والاغلب الناس ليه مجروحة كده لا بجد ربنا يكون فى عونا
الكلمة هقولها الانسان اللى يبيع ش يستاهل نفكر فيه لحظة
اسال مجرب احسن حل النسيان ولا كان اصلا عرفت الانسان اللى خدعك ده

EMMY BABY يقول...

بجد بجد كلمات كلها احساس وحكم كمان

ال بحبك ال ، ال بعشقك ال ، ال بتوحشني ال
طـلـع كـلـه كـــلام فـــي كــلام هــو الـكلام بـفـلـوس؟
الـكــلام ببلاش بس الإحـسـاس غــالــي
وانـتـوا مـقـدرتـوش إحـسـاسـنا وحـبـنـا
يـبـقـي خــلاص سبـونــا وابـعــدوا عـنـنـا


فعلا الناس كلها بتعرف تتكلم لكن مش كل الناس بتعرف تحس اللى بتقوله بجد

يااااااااااه ليه دايما الناس بتبيع اللى بيحبوهم

بس اكيد ربنا بيعمل كل ده حكمة للشخص لان ربنا مبيجبش عمره حاجة وحشة

تحياتى

ايمى

بنت سيناء.. يقول...

طيب وايييييييييييييه كل دة؟؟لية تدخلو نفسكو فى معمعات ومهاترات وتلاقى الدنيا وخداك ومشغول بيها وبحب البنات؟؟
اقولك احسن ودى تانى مرة اعلق بنفس المعنى فى مدونة اخرى
اتجهو الى حب تانى لا زيف به ولا رياء..حب الله الحقيقى وليس الكلمة فقط





















الله ينتظرنا فى قوله((وإلى ربك فارغب))
حب انت فية الكسبان دائما والله
كل سنة وانت طيب مجنون رغم انك عاقل

أمل حمدي يقول...

شفت ازاي يا مجنوون اللي بيحب قوي بينجرح قوي ازاي
المستشفى بتاعتك جميلة والمجانين اللي فيها بيقولوا درر
مش في مثل بيقول
(خد الحكمة من افواه المجانين)
سعدت بزيارتي لمدونتك
وكل عام وانت بخير يارب

Shaimaa يقول...

كلامك حلو اوي
فكرني بحد عزيز عليا اوي بعته وندمت
عموما خدها نصيحه
الحب وقع قلب
والجواز وجع دماغ

تحياتي
shicco

غير معرف يقول...

ليه كدا؟
ليه عشان بحبك تيجي عليا؟
ليه عشان محتاجاك تسيبني وتمشي؟
انت عارف في ناس كتير كدا
مبيقدروش قيمة الحاجه اللي في ايديهم ويروحوا لغيرها للي مش معاهم
بس عارف بيرجعو ندمانين
بيرجعو حيرانين
عايزين الحب القديم
عجباني اوي ان انت مش عايزهم لما يرجعو
فعلا لازم يكون في كرامه
ولازم منأمنش لحد كل كلامه كلام ف كلام
كلام من غير احساس
بياع كلام
وعلي رأيك يعني هو الكلام بفلوس
تصدق بايه
انت اجمل مجنون ف الدنيا
:)
خاطرتك لمستني اوي
بجد جميله جدا
استمر..

وكل سنه وانت طيب
وكل سنه واحنا بنتعلم

رمضاااان كريم

طوبه فضه وطوبه دهب يقول...

جميل قوى الكلام بجد اسلوبك مميز غايه فى الصدق فى التعبير فى انتظار المزيد
تحياااااااااااااااااتى

طوبه فضه وطوبه دهب يقول...

جميل قوى الكلام بجد اسلوبك مميز غايه فى الصدق فى التعبير فى انتظار المزيد
تحياااااااااااااااااتى

ساسو يقول...

كل سنه وانت مجنوووون اقصد وانت بخير
مدونتك جميله
رمضان كريم

سمكه واحده يقول...

كلامك جميل بس انا زي ما قلتلك سبحان الله في داي ولاي نلاقي مصر كلها بقت شعراء وبيقولوا كلام جميل
المشكله ان مصر مليانه مواهب برغم الهم والفقر والاكتئاب اللي احنا فيه بس احلي حاجه في الانسان المصري انه دمه خفيف وكمان ايه مش بيتعب اهو بيمشي نفسه في الوضع اللي هو فيه ده طبعا بعيد عن التعليق عليك انما انت ربنا يوفقك ويكرمك ويكتر من مجانينك
بهزر
سلاماتشي ابتسماتشي
كل سنه وانت طيب

كـــيــــــــارا يقول...

:(
:(

ليه البوست الحزين ده

ليه بس الالم ده

مش عارفه اقول ايه

ربنا يصبر المجروحين

تحياتي

اختك في الله

كيارا

Sourah يقول...

عارف يا مجنون ..
عمر اللي بيحب بجد يقدر يكره كده ، اللي بيحب بيغفر و يسامح ، و مايلومش غير على قلبه ، لانه اخطأ في التقدير من البداية ..

تحياتي تقديري ..

و كل عام و انت بخير ، و رمضان كريم

و اخر الكلام سلااام ..!!!

مـجـنـووون يقول...

أحب أنوه علي أن انا عملت مراجعة التعليق قبل ما تتنشر علشان في ناس كانت بتكتب تعليقات بتشتم فيها وبتقول فيها كلام قبيح

تقبلوا تحياتي

مـجـنـووون يقول...

منورة المدونة حبيبة الغاليه

كم يسعدني مرورك ، مش معني كلامي نكره إلي في يوم من الأيام كنا بنحبه ، بالعكس أحنا لازم نتذكر له الذكريات الجميله إلي عشنها مع بعض ، علشان لو أتذكرت الذكريات المؤلمة مزعلش ، ومحسسش أني ضغيت عمري بلاش
بس هو لو عايز يرجع مينفعش يرجع لأنه ميستهلش قلبك ، ومقدرهوش

شرفني حضوك حبيبة الغاليه
تقبلي كلماتي
مجنووون

مـجـنـووون يقول...

ساسو الغاليه نورتي مدونتي المتواضعه

وكل عام وأنتي بألف خير

تقبلي كلمات
مجنووون

مـجـنـووون يقول...

انسانه عادية في عالم مش عادي
نورتي مدونة المتواضعه

والله لو قدرتي تنسي تبقي محبتهوش ، لأن إلي يحب عمره ما ينسي إلي في يوم حبه وإلي في يوم كان حته منه وكان في قلبة
امضاء
مجنووون

مـجـنـووون يقول...

ايمي الغاليه
نورتي المدونة يا جميل

في مثل بيقول ( الدنيا مبتديش محتاج ) وهو ده حال الإنسان لما يلاقي حد بيحبه وواقف جنبه تلاقيه يقرفه ويطلع عينه دا كله علشان بيحبه

وحديكي مثل مشهور قوي في الستات بيقول ( التقل صنعه ) وأنا بقول ( التقل خيبه ) لأنك لما تتقلي علي إلي بتحبيه وتحسسيه أنك مش في دماغك أو مش مهتميه بيه حيجيله حالة من الزهق والضيق ، وممكن لقدر الله تخسريه
يعني من الأخر إلي يحب لازم يدي علشان ياخد

وطبعا كل حاجه بتحصل في الدنيا دي بقدر الله عزوجل وله حكمه فيها ، بس علي فكرة الإنسان مخير مش مسير ، يعني هو إلي بيجيب لنفسه المصايب ، لأنه عارف الصح والغلط

امضاء
مجنووون

مـجـنـووون يقول...

بنت سيناء الغاليه
لو جربتي كنتي عرفتي قد ايه الواحد بيتعذب لما الإنسان إلي حبه في يوم يتخلي عنه ويبيعه
وبعدين الحب موجود في الإسلام ، ومدام حب عفيف وطاهر وميغضبش الله عزوجل يبقي مفهوش مشكله ، ومش معني أن الواحد يحب انسان يبقي هو بعيد عن الله عزوجل
ومتزعليش مني لأنك عرفه أني مجنون
تقبلي كلماتي

مجنووون

مـجـنـووون يقول...

ماما لأمولة

يا نهار أبيض ، أنا بجد حفرش الأرض ورد لأنك نورتي مدونتي البسيطه يا أحلي وأغلي أم في الدنيا دي ، وفي مثل تاني بيقول ( خدوا الحكمة من أفواه المجروحين ) وأنتي شيفه ما شاء الله عندنا مستشفة مجانين ومستشفة مجروحين هههههههههههه
عايز اشوف بوستات ليكي كتير
شرفتيني بجد

امضاء
مجنووون

مـجـنـووون يقول...

شيكو باشااا ، منور المدونة يا جميل

أنا معاكي أن الحب في بعض الأحيان بيكون وجع قلب ، بس في وقت تاني بيكون أحلي حاجه في الدنيا ، ومعاكي برده أن الجواز في بعض الأحيان بيكون وجع دماغ ، بس في وقت تاني بيكون أحلي حياة ، المشكله مش في الحب ولا في الجواز المشكله في الناس ذات نفسها

تقبلي كلماتي
مجنووون

مـجـنـووون يقول...

za3bal
نورت المدونة يا جميل
ليه كدا؟
ليه عشان بحبك تيجي عليا؟
ليه عشان محتاجاك تسيبني وتمشي؟
انا اول ما قريت الكلمتين دول ، انصدمت وقولت في نفسي والله برائي يا بيه معملتش حاجه ههههههههههه

حتي لو بحبهم وعايزين يرجعوا مينفعش ، لأن القلب إلي حب بإخلاص وملاقش غير الغدر والخيانة من أعز الناس عمره ما يرجع تاني

بجد سعيد ومبسوط أنك بتشركيني فكري

تقبلي كلماتي
مجنووون

مـجـنـووون يقول...

طوبة ذهب وطوبة فضة

أنا بلاقي منك تشجيع قوي ، وبجد مبسوط أنك بتقري كلامي وبتعلقي عليه ، وأنا شاء الله يكون بيت الزوجية طوبه فضه وطوبة ذهب

وبعدين بقالك فترة كبيرة مش بتكتبي وكل ما بدخل مدونتك بلاقي البوستين اليتمين دول

يا ريت نشوف لكي بوست جديد

امضاء
مجنووون

مـجـنـووون يقول...

ساسو

نورت يا جميل مدونتي
وكل عام وأنت بالف خير

امضاء
مجنووون

مـجـنـووون يقول...

سمكه وحده

نورتي مدونتي يا غاليه
والله الشعب المصري من أجمل الشعوب في العالم رغم إلي بيحصل معاه بتلاقيه بيتأقلم مع الوضع إلي عايش فيه ، وعلي فكرة الشعوب التانيه مستغربه من شعب مصر أزاي مستحمل إلي بيحصل فيه ، بس علي فكرة المصرين لهم طاقة وأول ما ينفذ صبرهم حتشوفي منهم حاجات تشرف ، ولكل ظالم نهايه
والله لو معشتيش مجنونه في الدنيا حتموتي بدري قوي من الهم والغم ، وعلي فكرة الجنون جميل في كل حاجه زي الحب مثلاً ، لو الأتنين مجانين حتلاقي أحلي كلام وأحلي عيشه ، وبيبقوا مش في دمغهم الدنيا كلها ولا في دمغهم فلوس ولا قصر ولا أي حاجه من إلي الناس بتفكر فيه

تقبلي كلماتي
مجنووون

مـجـنـووون يقول...

كيارا الغاليه

نورتي مدونتي البسيطه ، أنتي بتدعي وبتقولي ربنا يصبر المجروحين .. وأنتي منهم والا لا ؟؟؟
تقبلي كلماتي
اخوكي في الله
مجنووون

مـجـنـووون يقول...

sourah
نورتي مدونتي البسيطه

وعلي فكرة تفكيرك هو نفس تفكيري ، بس في وقت بيجي علي الواحد بيبقي مش قادر يسامح ، وبيبقي مينفعش يرجع ، تعرفي ليه ؟ لأن الأنسان كرامه ولو ضاعت كرمته حتي لو علشان إلي بيحبه يبقي ميسويش أي حاجه
وبجد شرفتني وجودك معانا في المدونة
وتقبلي كلماتي

امضاء
مجنووون

كـــيــــــــارا يقول...

مجنووووون ليه سوالك ده بس

قلبت كله :((

الحمد لله علي كل حال

dreem يقول...

حلوة قصيدة الردح دى والله جدع

blue-wave يقول...

ايه يا عم الجنان دا؟
بس جنان حلو
تسلم ايدك

mthlykaweyy يقول...

هاى
ازيك
مدونه جميله

اعرفك بنفسى انا من المثليين ولى مدونه

انا بالنتسبه للشعر متزعلش حقك عليا

بس متفقدش الامل

ساذورك دائما

وسانتظر زيارتك لى

لا تتاخر
تحياتى

ماء تشرين يقول...

السلام عليكم
جميله اوى التدوينه وفعلا الحب مش كلام ده احساس والاحساس مش بينشري وينباع والميقدروش ميستهولوش
بجد جميله لا هى تحفه
تحياتى

Unknown يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

مـجـنـووون يقول...

كيارا الغاليه
انتي بتدعي وبتقولي ربنا يصبر المجروحين فحسيت أن الكلام ده طالع من قلبك ، يعني أكيد جربتي الجرح والم المجروحين

تقبلي كلماتي

*****************
منور dreem المدونة

علشان الستات يعرفوا أن مش هم الي بيعرفوا يردحوا بس ههههههههههه

*************

منور blue- wave
وكل سنه وأنت بألف خيررر
قصدك علي أي جنان ؟

******************

منوررر mthlykaweyy المدونة
كفايه أنك تشرفني يا جميل ، ولو ملكش في الشعر يبقي أكيد ملكش في البطيخ

تقبل كلماتي

******************
منوره ماء تشرين
كل سنه وانتي بالف خير
انا كلامي بسيط بس بأحساسك المرهف وفكرك العالي ، صارت تحفه
تقبلي تحياتي

**********************

نهر الحب
كل عام وأنتي إلي الله أقرب وعلي طاعته أدوم
وشكرا علي هذه الكلمات الرقيقة
تقبلي تحياتي



مجنووون

الحكمة ضالة المؤمن يقول...

قــولـهــم بــأعــلي صـوتـك
معلـش الـعـيـب عـلـيـنا
عـلشـان أحـنـا مـديــنــا أيــديـنـا

من زمان مدينا ايدينا
بقي الحق علينا
نستاهل الي يجينا
مش احنا الي مدينا ايدينا

حلوه

احلى شي في المجنون انه يدخل الجنه
سلام سلام

قلب ينبض لله يقول...

القلوب لما بتنجرح بيبئي جرها صعب أحتماله
خصوصا لما يكون الجرح دا من حد بنحبه ووفينا ليه وفي المقابل هو خانا وجرحنا

تحياتي لكلماتك الجميلة ومدونتك الأجمل

وكل سنة وأنت طيب ورمضان كريم

مـجـنـووون يقول...

الحكمة ضالة المؤمن
نورت مدونتي المتواضعه

انت رائيك كده أني حروح الجنه

أمين يا رب العالمين

شرفتني يا جميل

تقبل كلماتي
مجنووون

مـجـنـووون يقول...

قلب ينبض لله
نورتي مدونتي يا غاليه

فعلا أصعب جرح الجرح من واحد وثقتي فيه
وكان معاه كل اسرارك واخبارك ، ويكون عارف ايه الحاجه الي بتزعلك والحاجه الي بتفرحك
وعلشان كده بيكون جرحه أكبر من الجرح من حد غريب

بجد نورتيني
مجنووون

بنت الأسلام يقول...

مجنوون اية المتابعة الجميلة لمدونتى
بجد فرحتنى للمتابعة دى ويارب نكون على حسن ظنك
وكل عام وانتو بخير .وشدو الهمة فى رمضان

غير معرف يقول...

كلامك جميل أوى أوى أوى و المدونة زى العسل بس موجة الإكتئاب دى اللى مش حلوة أبدا ...مش حقدر أقول اللى يبيعك بيعه لأن الكلمة دى على قد ما هى حلوة على قد ما تنفيذها مش سهل بالمرة لأن القلب مش بزرار أدوس هنا أنسى ادوس هنا أفتكر

عليك و على الايام هى اللى قادرة تنسى الواحد اسمه ..و أنت حاول تفك و متفتكرش و كل ما تلاقى نفسك حتفكر فى الموضوع ده فكر فى أى حاجة تانية هى حدوتة مش سهلة بس مش مستحيلة

تقبل تحياتى

RaRa يقول...

بجد عجبتنى اوى مدونتك
وكلماتك جميلة اوى اوى اوى
كل سنة وانت طيب
ورمضان كريم

فراشة البساتين يقول...

السلام عليكم

صباح الجنان

دى اول زيارة عندك

بس عارف

اكتشفت انك مش مجنون خالص

بل العكس تماما

----------------------------
انا قريت كل البوستات القديمة

كلها عجبتنى

بس آخر بوستين

فكرتهم حلوة جدا

بس مش عارفة

حسيت ان الابيات متكسرة

او الافكار مش مرتبة

مش معنى كده ان انا صح

لا ده رايى بس

لكن احساسك فيهم انا بحترمه جدا
---------------------------------

شكرا لزيارتك عندى

وكل سنة وانت طيب

رمضان كريم

وبتمنى دوام التواصل بيننا

بنت سيناء.. يقول...

فين بوستاتك فى رمضان..عايزين جديدك

رفقة عمر يقول...

بجد بكيت من الكلمات جميله قوى
كل سنه وحضرتك طيب
رمضان كريم

د. مونى يقول...

مدونتك جميلة فعلا وكلماتك اجمل
رمضان كريم عليك
تقبل مرورى

مـجـنـووون يقول...

دكتورة هموسه الغاليه
نورتي مدونتي وأنا متابع مدونتك علشان فيها استفادة كبيرة وفكرك عالي
تقبلي كلماتي

**********************

أنا ودماغي
نورتي مدونتي يا غاليه
أيه الكلام الكبير ده ، بس شكلك مجربه والا لا ؟
والله أنا نفسياً مرتاح قوي دلوقتي ، الكلام ده من زمان
وعندك حق في كلامك
وبعدين في المثل بيقول ( العشرة مش بتهون إلا علي ابن الحرام )
شرفني مرورك

*****************************
rara
بجد شرفتيني في المدونة ، الكلام جميل علشان الي بيسمعه أجمل
شرفتي مدونتي

************************************
طائر النار
صباح العسل
وأن شاء الله متكنش أخر زيارة
ال مش مجنون ال أنتي مش شيفني بكسر وبضرب وبزعق يبقي أكيد مجنون

البوست بتاع مجنووون هو لغتة بسيطة شويه ، بس البوست الأخير من أجمل الحاجات إلي كتبتها
نورتي مدونتي

**************************

بنت سيناء
بجد أنا مبسوط أنك متبعه المدونة بتعتي
ان شاء الله بكرة بنزل بوست جديد بس موضوعه حيعجبك قوي
تقبلي تحياتي

*****************
رفقة عمر

نورتي مدونتي وأن شاء الله متكنش أخر زيارة
أنتي بكيتي علشان احساسك مرهف ، وشعورك غالي
واكيد انجرحتي يعني زيي بالظبط
نصيحه
خليكي مجنونه وأنتي تبقي أخر حلاوة
تقبلي كلماتي

********************

دكتورة موني
منوره المدونة ، طبعا دي اول زياره المفروض كنا نستقبلك بشاش وقطن وبنج هههههههههههه

يعني نعملوا واجب مع أحلي دكتورة
وكل سنه وانتي بألف خير
تقبلي كلماتي

بنت القسام يقول...

احساس حلو
والكلمات جميله
كخاطرة كويسه
رمضان كريم
سلام

Unknown يقول...

اهلا بيك في المستشفي :D

المدونه جميله عموما و مش محتاجه تعلقي عشان واضح الاجماع اللي عليها كفايه اوي عشان تعرف انها هايله

كل سنه و انت طيب ..

و الي الله اقرب و علي طاعته ادوم

ياسمين

اه نسيت اقولك تعليقك ف ارض الاحزان ممكن يكون بعيد عن الغرض الاصلي من البوست .. طبعا ده ميمنعش ان تعليقك صح جدا ..

اهلا بيك في اي ارض

mthlykaweyy يقول...

شعرك جميل مجنون

احساسك رائع عزيزى

ولقد رددت على اسالتك من خلال ردى على تعليقك عند ى فى البوست قبل الحالى

تحياتى دمت صديقا

قررت أكون عانس يقول...

ايوه اللى يبيعك بيعه

لو دققت النظر بعد ما تلبس نظارة ان شاء الله تلاقى الناس الصادقة فى مشاعرها
هما صحيح بينقرضو بس هتلاقيهم

عاشقة لدين يقول...

السلام عليكم ورحمة الله وبركاتة

كل عام وانت بخير

الا بذكر الله تطئمن القلوب

فى رعاية الله

مـجـنـووون يقول...

gelaan
نورتي مدونتي يا غاليه
وشكرا علي كلامك الجميل

****************************
عاقلة علي أرض الجنون

نورتي مدونتي المتواضعه
أنتي أجمل بس لو كنتي مجنونه كنتي تبقي أحلي ههههههههه

بالنسبه لتعليقي حرد عليكي في مدونتك
اهلا بيكي في مستشفي المجانين
علي فكرة المكان الوحيد إلي تحسي فيه براحه هو مستشفي المجنين
جربي تدخلي وأن شاء الله تطلعي من هناك عقله ههههههههههههه

***************************************
عزيزي mthlykaweyy

نورت مدونتي يا غالي
أحساسك هو الأغلي
حرد عليك هناك في مدونتك

*************************
قررت أكون عانس
يا لهوي علي الأفترة ، البنات بس إلي بتقول الي بيعك بيعه
كل البنات إلي بتعلق بتقول إلي بيعك بيعه رغم أن إلي عملت كده واحده منهم

وعلي فكرة أنا لابس نظاره ولو اتفرجتي علي مدونتي كويس حتلاقي صورتي
وفي كل مكان لازم تلاقي الحلو والوحش بس صدقيني صعب تلاقي النص الحلو بسهوله
شرفتيني ويا رب ترجعي عن قرارك أنك تكوني عانس

تقبلي كلماتي

*****************************
عاشقة الدين الغاليه

وعليكم السلام ورحمة الله وبركاته
وكل عام وأنتي إلي الله أقرب وعلي طاعته أدوم
بلي بذكر الله تطمئن القلوب
نورتي مدونتي
مجنووون

كـــيــــــــارا يقول...

ومين مدقش الم الجرح ومراره

مين مدقش نار البعد

مين مداقش كتمان لحظه اشتياق لانسان كداب

مين مش دخل قلبه في صراع مع حياه كلها غش وكدب وتاليف في المشاعر

انا كاتبه بوستين عندي هما اقنعه الاحبه وتجاره العواطف يمكن مش بيقولوا كل شي جوايا لكن كل حرف فيهم انا فعلا بقوله من جوايا

ربنا يصلح الحال

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالتعليق

 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner