الخميس، نوفمبر 5

علشان عيونك يا وطن


علشان عيونك يا وطن


 بـكـتـب نــشــيــد


وبغـلف الأحـــزان بــنبضــي


وبـكــتـم الأوجــــاع بــعــيــد


خلـيــك  عــلــي نـفـســي عــزيــز


وأوعــك تـخـلـي الـخــايــن الـمغــرور


رئــيــس



عــلشــان عـيــونــك يــــا وطـــن


أنــا هــرفــعــك فــــــوق فـــي الـسـمــا


مـش هـنـسي فـضـلـك يـــا وطـــن


مـش هنـسي يــوم أنـك أنـــا


مش هنسي أنــي جـــوا أرضـــك


عــشــت أجــمــل عــمــر لـيــا


عـشـت بـنـعــم بــالهـنا


وحـبــي كــــــان هــــــو الـهـــديــــة



عــلـشـــان عــيــونـــك يــــا وطـــــن


أنـــا هـبـعــد الأعـــداء


وكــــل الـسفـحـيــن


وهموت الحلم الخبيث في القلب الحزين


وان كـنـت غـــايــب يـــــا وطـــــن


عــن أهـلـك الـغـلـيـن وكـــل الـمخلصين


لأزم فــي يـــوم هـتـفــوق وهتحس الحنين


علشان عيونــك يــــــا وطـــن


إمضاء

مجنووون










29 نورت مستشفي المجانين:

عاشقه الرومانسيه يقول...

هو فين الوطن
مابقينا اغراب واحنا فيه
ومش شايفين غير البهدله
ورغم كده بنحبوه
على ايه مااعرفش

smilyrose يقول...

اول تعليق

مش عارفه بس نجرب

smilyrose يقول...

السلام عليك يامن تبعد عن وطنك

وروحك تحيا به

ما اجمل كلمات حبك للوطن

اسال الله ان يعيدك اليه

وان تلتقى بروحك العاشقة لترابه

*البت المشمشية *حلوة بس شقية * يقول...

تحيا مصر

فشكووول يقول...

ازيك يا مجنون

خايف يا مجنون .. خايف من بكره يكون رئيس .

والمشكله انه ح يكون رئيس
وانا وانت فى الباى باى
هوا دا وطن يا مجنون .. دى عصابه اللى مسكاه

تلاقيش لى انا وانت وطن تانى احسن لان الوطن دا زهقنا قوى وتعبنا قوى ومش بيحبنا وعايز يرمينا فى البحر

مـجـنـووون يقول...

عاشقة الرومانسية

الوطن موجود وهيفضل موجود من غصب عنهم

بنحبوه علشان هو في دمنا وفي قلبنا

وعلشان احنا عندنا انتماء ليه

وان شاء الله هيجي يوم ويبقي حر طليق

اسعدني مرورك
مجنووون

مـجـنـووون يقول...

سميلروز

وعليكم السلام ورحمة الله وبركاته

كلامك وجعني قوي

أن شاء الله

اسعدني مرورك الجميل
مجنووون

مـجـنـووون يقول...

البت المشمشية حلوة بس شقية

أن شاء الله تحيا رغم كل الفتن والحراميه

اسعدني مرورك
مجنووون

مـجـنـووون يقول...

فشكول

الحمد لله

أن شاء الله مش هيبقي رئيس

طول ما في ناس شرفاء بيحبوا البلد دي طول ما هيكون فيه قوة في الدفاع عنه

المشكله أن الواحد ميقدر يغير وطنه لو الموضوع بالهسوله دي كان اهل فلسطين سابوا بلدهم من زمان

أسعدني مرورك استاذي الكريم
مجنووون

ماء تشرين يقول...

الغربه هى ارضنا ووطنا متقولش بقه وطن دى كلمه مبتتقلش خلاص عشان معناها مبقاش موجود

تقبل مرورى

غروب يقول...

مجنون ايه بقه

د انت سيدي العاقلين

كلامك حلو جداااااااا

تسلم ايدك

سجود يقول...

السلام عليكم
جزاكم الله خير
والله الموضوع جميل بس علي الوطن بتاعنا اللي ليسا ماتولدش

حلم بيعافر يقول...

عشان عيونك ياوطن
هسميك وطن
تحياتى

mohamed ghalia يقول...

والله ياصاحبى كنت محتاجها اوى

مـجـنـووون يقول...

ماء تشرين

عمر الغربة ما هتبقي أرضنا

أرضنا في المكان إلي أتولدنا فيه

ومهم نبعد عنه هيفضل ديما في قلبا

اسعدني مرورك
مجنووون

مـجـنـووون يقول...

سجود

وعليكم السلام ورحمة الله وبركاته

الوطن موجود بس عايز ناس تقدر تقف وتطالب بيه
وأن شاء الله الناس دي موجودة

اسعدني مرورك
مجنووون

مـجـنـووون يقول...

حلم بيعافر

شرفني حضورك لأول مرة لمدونتي

علشان عيونك يا وطن
هكون انا ليك وطن

اسعدني مرورك
مجنووون

مـجـنـووون يقول...

محمد غاليه

شرفني حضورك أخي الكريم

والله أنا إلي كنت محتاجها وبالذات في الغربة

اسعدني مرورك
مجنووون

العيسوى الصغير يقول...

دا كله عشان بعيد لو كنت هنا كنت هتقول كلام تانى

ليس فقيرا من يحب يقول...

علشان عيونك يا وطن

كلماتك رائعه ربنا يرجعك ليه

بالسلامه

سعيده انى عرفت مدونتك وان شاء

الله يدوم التواصل

ريمان يقول...

حلوه اوى يا مجنون



تسلم ايديك

شهد الكلمات يقول...

الله اية الكلمات الجميلة اوي دي

على فكرة محسوسة انها من قلبك


كلمات رقيقة جميلة و مهذبة
احلي ما قرات لك

تسلم ايدك عليها

تحياتي

جنــــــــــة الله يقول...

مـش هنـسي يــوم أنـك أنـــا


مش هنسي أنــي جـــوا أرضـــك


عــشــت أجــمــل عــمــر لـيــا


عـشـت بـنـعــم بــالهـنا

ارفع لك القبعة تقديرا
بجد موضوع راااااااائع
وفعلا على رأي شهد الكلمات تحس انها فعلا طالعة من قلبك اوووى
بجد سلمت اناملك

(اتأخرت في انى ارد الزيارة بس اهه اتردت الزيارة يا فندم ونورت مدونتى وان شاء الله متابعاك)

جنة ،،

ميمى واحمد يقول...

النهاردة عيد زواج نوارة

وعايزنكم تحتفلوا معانا

Beram ElMasry يقول...

العزيز الغالي مجنون
حمدا لله على سلامتك وعودا حميد واحشني فوق ما تتصور ويارب ينال ما أكتب القبول عندك فهذا يسعدني كثيرا وأرجوك لا تحرمني من الزيارة ولو حتى بدون تعليق تحياتي والسلام ولا سلام مع قتلة الأطفال والأنبياء بني إسرائيل .

سمكه واحده يقول...

علي شان عيونك ياوطن
خليك علي نفسي عزيز
فعلا والله
كلمات كلها جميله يامجنون
اخبراك ايه
مبفتش تظهر كتير ليه؟

الأحــــــ إيناس ــــــزان يقول...

تسلم ايديك


ربنا يسعدك يارب
وحشتنا كتير

ايناس

حنان الشافعي يقول...

احلي حاجه في الوطن انه يبقي في قلبك
بالمعنيين


خالص تحياتي

mahasen saber يقول...

هههههههه بضحك على كلام دودو عاشقة الرومانسيهه اصلها قالت ما قل ودل

بس اكيد احنا بنحبه وبندوب فى حبه بس يا ريت نترجم ده لحاجات ايجابيه بئا ااقلها كل واحد يتقى ربنا فى شغله ويحافظ على موارد بلده

 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner