الثلاثاء، نوفمبر 4

كـــلام الــعـيـــون


كـــلام الــعـيـــون

حينما تتحد العيون بالعيون وتلتقي النظرات بالنظرات

وتسرد ما بداخل القلب وتفسر الحالة التي تشعر بها وقت اللقاء

حـينمـا رأيـتهــا أحسست بــرعشـة قــويـــة تجتــاح نـفــسـي


نظرت إليها ولم أصدق نفسي .هل هي بهذا الجمال أم أني أحلم وأتوهم

وأخذت أدقق النظر إليها مره ثانية لكي أتاكد مما تراه عيناي

وتـــأكــدت أنــه لــم يـكـن حـلـمـاً ولـكـنـه حـقـيـقـة جـمـيـلـه

لـم تمد يدها لكي تصافحني ولكننا تصافحنا بالعيون وما أجمل هذا التصافح

الذي يتغللغ فــي أعمـاقــك ويشعـرك بـلـذة لـم تـرا مـثـلهـا


وأخذنا نسير في خطأ بطيئة تارة وسريعة تارة أخري لنجلس في مقهي ونتحدث

وأنــا كنت مسـرعــا ..لا للجلوس ولـكـن لـكـي أجـلـس امـامـهـا

وأنـظـر فـي عينيها الـتـي تـمـتلـئ بـالحب والأمان والطمئنينة والسكينه

وحينما بدأت الحديث قولت لها لا تندهشي من أني لن اشيح بنظري عن عينيكي

فسالتني لماذا كل هذا . قولت لها لا أدري ما الذي حدث لي

ولكني ســوف أستغل كـــل لـحـظـة لـكــي أغــوص فــي

أعــمــاق هــذه الـعـيـون ، وأخـذنــا فــي الـحـديـث عــن أشياء كثيرة

وكــلام رقـيـق يـمـلأه الـحـب ولـم نـحـس بالوقت وهـو يـمـر بيننا

وقــالـت لــي أنـا مضطره أن أذهـب .. فـقـولـت لـها لماذا هذه العجلة

دعــيـنـا نـجـلـس قـلـيـلاً لـكـي نـكـمـل حــديـثــنـا

قالت لي أعتزر وهمة بالذهاب وأنا أنظر إليها لكي أملي عيني من رائيتها

وأخذت أنظر إليها وأري الإنسانه التي تعلق بها قلبي

وتمنيت أن أمضي بأقي حياتي معها وهي تبتعد أمام عيني

فهل يقف بجواري الــقــدر هذه المرة ؟! أم أنها ستنتهي كما أنتهت ما قبلها

وأترك مع جرحاً أخر لا أعتقد أنه سوف ينتهي إلا بمماتي

سيدتي أسطر لكي هذه الكلمات للتعبير عما يجول بداخلي من شوق وحنين وخوف ورجاء



امضاء
مجنووون

28 نورت مستشفي المجانين:

princess يقول...

بجد كفاية كلام عن الفراق عشان الواحد اتوجع بما فيه الكفاية:)
ارجع واقول قدر الله ونصيب
تحياتى

مـجـنـووون يقول...

شكلك مجروحه قوي ، وأكيد هو الواحد عمر الي عمل فيكي كده ههههههههههه


وبعدين القصة دي فيها تفاؤل والا انتي مش واخده بالك


اسعدني حضورك
مجنووون

دعاء مواجهات يقول...

يااة على جنونك

من اجمل مايمكن

تحياتى لجناانك


بيس

شمس النهار يقول...

لأبصراحه يابختها انك تكتب لها الكلام الجميل ده
واكبد هي تستاهل والاماكنتش انت كتبتلها كل ده
وبشكرك انك خلتنانشاركك اللحظات دي
علي فكره انا رديت عليك علي ردك علي في البوست اللي فات

ماما أمولة يقول...

يا مجنون

ايه الاحساس دا وبتقول مات القلم

لا يمكن يموت ابدا

ان شاء الله ربنا يحققلك كل ما تتمنى

تسلم يا مجنون

مدينـة من النسـاء يقول...

عندما يطول الحديث بينكم بلغة العيون
فما أرقاها وما أطول السطور
وكأنك التقيتها منذ ألف عام وزياده
وإلى نهاية العمر
لتبقى النظرة ساكنة عمق الأحداق ,,, حتى بعد انتهاء اللقاء

لك تحيـاتي ..

mohamed ghalia يقول...

مجنون حبيب قلبى
يبدو ان الجرح كبير
ولكنك تعى لغة العيون جيدااا
احسستها فى كلماتك
تقبلى تحياتى على كلماتك الرقيقة.
ومتتهربش من إجابة التاج
تحياتى أخى العزيز

كباريه يقول...

آه من أحاديث العيون ، فهي رموز بين المحبين لايعرفها سواهم

حـــــ الــجــنــة ـــــور يقول...

السلام عليكم
إزيك يامجنون بجد وحشتني كتاباتك وعباراتك الرقيقه وحمد لله على التفاؤل لي إنت فيه بجد ما أروع لغة العيون في بعض الأحيان توصل النظرات ما بي داخل المرء أكتر من كلام سلمت يمناك وجعل الله أيامك حب وهنااااء تقبل تحياتي

حـــــ الــجــنــة ـــــور يقول...

السلام عليكم
إزيك يامجنون بجد وحشتني كتاباتك وعباراتك الرقيقه وحمد لله على التفاؤل لي إنت فيه بجد ما أروع لغة العيون في بعض الأحيان توصل النظرات ما بي داخل المرء أكتر من كلام سلمت يمناك وجعل الله أيامك حب وهنااااء تقبل تحياتي

مـجـنـووون يقول...

دعاء مواجهات

أولا حمدالله علي السلامه ويا رب متتاخريش تاني علينا

ثانيا : شكرا علي كلماتك الرقيقة

اسعدني حضورك سيدتي
مجنووون

مـجـنـووون يقول...

شمس النهار

ديما منوره مدونتي المتواضعه

يا بختها بس هي فين . تصدقي أنا لحد دلوقتي معرفش هي مين أو فين ؟
بس أن شاء الله حيجي يوم والقيها

انا يشرفني أنك تشركيني خواطري وأفكاري

وصل الرد وشكراً علي الإجابة علي السؤال

اسعدني حضورك سيدتي
مجنووون

مـجـنـووون يقول...

ماما أمولة

أمي الغاليه ديما منوراني ويا رب ديما تنوريني

القلم مات يوم ما الي كنت بحبها اتخلت عني بس أكيد حلاقي حد تاني

الله يخليكي يا رب وشكرا علي دعائك الجميل

اسعدني حضورك أمي الغاليه
مجنووون

مـجـنـووون يقول...

مدينة من النساء

ديما منوراني بتعليقك الأكثر من رائع أختي الغاليه

في أوقات بيكون الصمت أفضل من الكلام . وبالذات بين المحبين

************
لتبقى النظرة ساكنة عمق الأحداق ,,, حتى بعد انتهاء اللقاء

انتي بتكتبي تعليق والا بتكتب الغاز . أهوا انا علشان أفهم الجمله دي محتاج أسبوع علي الأقل

علي العموم ديما منوره مدونتي أختي الغاليه
وعلي فكرة أنا اخدت الصورة دي من مدونتك واسف أني مستأذنتش ولو في أعتراض ممكن ترفعي شكوة لمجلس الأمن ههههههههههه

اسعدني حضورك أختي الغاليه
مجنووون

مـجـنـووون يقول...

mohamed ghalia
اسعدني حضورك استاذي العزيز
والله يا غالي أزمة نفسيه ومش مرتبطه بحد بس الواحد بيحس بحزن يمكن متذكر الحب القديم ويمكن علشان الظروف مش أكتر من كده
أما بالنسبه لأني أعرف لغة العيون فأستطيع أنك اقول لحضرتك أني بجد خبير في لغة العيون

والله مش بتهرب من التاج
بس اقسم بالله بخاف منهم ومبعرفش اجاوب عليهم لأن اسئلتهم بتبقي صعبه قوي

اسعدني حضورك استاذي العزيز
مجنووون

مـجـنـووون يقول...

كباريه
ديما منوره مدونتي سيدتي
العيون لغة من الصعب تعلمها .

وهي لغة لا تحتاج إلي معلم ولكن تحتاج إلي قلب ينبض بالحب

اسعدني حضورك سيدتي
مجنووون

مـجـنـووون يقول...

حور الجنة

حمدالله علي السلامه
كنتي هربانه فين الفترة دي كلها ؟؟
كلماتي رقيقة علشان الي بيقراها ارق وأجمل
الله يخليكي يا رب وديما تنوريني
لغة العيون هي الغة الوحيدة التي لا تحتاج إلي معلم أو استاذ ولكن تحتاج إلي قلب ينبض بالحب

اسعدني حضورك سيدتي
مجنووون

totaaaa يقول...

مجنوووووووون
انت فعلا مجنون بحبها .. جميلة جدا جدا
بجد عجبنى اوى كلام العيون الرقيق اللى انت عبرت عنه بكلمات ولا اروع

مشاء الله على احساسك ..ويارب نهايتها كده فرح وزغاريط .. ونفرح فيك بقا
:)

عاجبنى اوى نيولوك المدونة الجديد بجد وهمى ..احلى بكتير من عمو اللى شعره وقع فى المدونة ده

ربنا يخليلك جنانك اافندم
تحياتى

مـجـنـووون يقول...

totaaaa

حمدالله علي السلامه وعاش من شاف
كنتي هربانه فين ؟؟
أيوه مجنون بيها .. بس يا تري تعرفي هي فين ؟ لأني بدور عليها بس مش لقيها

أحساسي عالي علشان الي بيقراه أجمل
المفروض تشكري صاحبي الي اختار لي الشكل الجديد ده

والله انا حولت ارجع الراجل ابو شعر بس للأسف مش راضي يرجع هههههههه

اسعدني حضورك سيدتي
مجنووون

بنت النيل يقول...

السلام عليكم ورحمة اللة وبركاتة

كلام العيون بوست رائع

بس ليا ملاحظة اذا امكن

انت اتكلمت عن جمالها بس

هو دة كل الا عجبك فيها

اتمنى يكون فيها صفات اكتر من الجمال

ربنا يوفقك دائما

بنت النيل

fashkool يقول...

كل ما اروح مدونه اقابل مجنون هناك .. قلت هيه حكايه .. حاروح ازور مجنون ده عشان اشوف ايه حكايته ..لقيته يا عينى لا مجنون ولا عبيط .. يا عينى دا الحب ملوعه والعيون السود صابت قلبه .. الله .. والكافيهات الكتيره اللى بيقعدوا عليها خرمت جيبه .. الله يكون فى عونه .. هو من حقه يتجنن

princess يقول...

مجنون
اه عمر جرحنى جدا هههههه وبعدين اوكيه تفاؤل مغلف بياس
شفت الكلام الكبير ده ههههه
تحياتى

romansy يقول...

انا بقى زى ما قولتلك قبل كده انت مجنون بجد بس مجنون ليلى
يعنى قيس
انا هطلق عليك لقب قيس الحب
بجد كلماتك روعه
ربنا يخليك للرومانسيه

fashkool يقول...

لو الصوره الخلفيه بتاعة البوست تطلع من الكمبيوتى .. العيون جميله جدا .. تانى مره آجى عندك اليوم والله يا استاذ فى المراجع انا قريت ان اصول المصريين والاجناس اللى نتج عنهم المصريين من ضمنهم آريين من اريانا فيجا .. عارف ايريانا فيجا دى فين .. فى امريكا اللاتينيه.. بس انا ما رضيتش اكتبها .. وعلى العموم يا أخى احنا مغرورين .. كل ما تكلم حد يقول لك حضارة 7000 سنه ووجعوا دماغنا بالرياده والحضاره والتاريخ والجنون اللى جننونا بيه .. يانهار .. دا انا فى مجنون .. انا اسف .. مش حاجيب سيرة الجنون تانى المهم وجعوا دماغنا وركبنا الغرور واحنا الآن لا نساوى 7000 مليم ولا 7000 ورقه جرنال تسعات حته .. يا أخى المصريين دول فيهم حاجه غريبه قوى ياأخى فيهم كل المتناقضات .. فيهم الغباء .. وفى لحظه تلاقيه يبتكر لك فكره ولا اجدع عبقرى .. فيهم الاستعباط وفى لحظه تلاقيه فى منتهى الرقى .. فيهم النصب وفى لحظه تلاقيه فى منتهى الجديه ومنتهى الصدق .. يا أخى احنا المتناقضات كلها فينا احنا عايزين صنفره عايزين سلك المونيوم بتاع المواعين بس سلك من الخشن ويسنفر ويغسلوا بيه الصدا اللى بقى علينا يا اخى المصرى يستطيع ان يفعل اى شيئ ولا يقف امامه شيى وفى نفس الوقت هو قليل الحيله لا يفعل شيئ .. ياأخى انا اتجننت

شفقة هانم واحسان بك يقول...

كلماتك حلوة اوى لكن حزينة
بس تسلم على البوست
تحياتى

شخـا بيــط مـحـجـوب يقول...

الله عليك يا مجنون بجد تحفة رائع بجد والله

تحياتى ليك
شخابيط mahgoub

سمكه وحده يقول...

ياسلام ايه الكلام ده ايه الحلاوه دي
لا بجد كلام جميل خاصا لغه العيون
اهو انا ببقي لما ابقي في مكان ولا ماشيه ولا في مواصله والاقي اتنين بيتحدتوا بس بأيه بلغه العيون افضل اتصنت وابحلق وارخم اني افهم حاجه ابتا واضح ان صوتهم بيبقي واطي اوي اقصد عنيهم ههههههه
كلام بجد جميل ويدل فعلا علي فرح وحزن وخوف من الفراق وما اصعبه
دمت مبدع
سمكه

روض الالهام يقول...

فعلا عند اللقاء ما أجمل لغة العيون وصف صادق وجميل

سيدي
جميله هي الكلمات التي سطرتها بمشاعرك على هذه الصفحه..

اقف تحيه لك على أحاسيسك الصادقه وعلى مهارتك في نقل ماتشعر به
الى كلمات تشاركها القارئ بكل مابها من معنى..

كتبت.. فاجدت ...وأبدعت

اتمنى لك كل التوفيق والسعاده ان شاء الله اخي مجنووووون

تقبل مروري البسيط

 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner