الجمعة، أغسطس ٢٢

يا ريتني في يوم كنت مجنووون



يا ريتني في يوم كنت مجنووون


كنت ضربت الئيم والــي ماسك سجــارة
كنت هديت كـل فـاسـد كــل جـاحـد كـل سـارق ومش عـاتق
كنت كسـرت كـل بــاب وراه كــل نــاس ثـرثــارة
كنت عليت صوتي وقولت يا ناس ارحمونا من كلمكم الي وأقف علينا بخسارة
كنت وقفت جنب كل واحد فقير حتي ينول حقه من كل ظالم
كنت سميت كل مولود صلاح الدين يمكن يرجع في يوم اقصانا الحزين
كنت وزعت كلام صلاح جاهين يمكن الناس في يوم تعرف معني الحنين
كنت قولتلهم أنا مصـري ومصـر دي لحمي ودمـي
كنت قطعت أيد كل واحد جاحد حقير
كنت نصرت ديني ورفعت القرآن الكريم


بس يــــا خـســارة
فـي بلـدي مفيش حــاجــه اسمهــا انســان
فــي بلـدي كـل الناس مش عـارفــه ايـه معني الحنين
فــي بلـدي يكبر الفـاسـد وتــزيد ثــروتــة علـي حسـاب الغلبان
فــي بلـدي يهـرب العـالــم ويــروح بلــد غــريـبـة علشان هـم بيعرفوا معني كلمة إنسان
فــي بلـدي الناس بتموت مش فـي الحــرب ، بس بتموت علشان رغيف عيش
في بلدي تلاقي العرايا بيقولوا عليهم فننين

في بلدي تلاقي الي عارف ربنا وطيب يقولوا عليه غلبان ومسكين
في بلدي تلاقي حلم كل شاب السفر الي بلاد تانيه حتي لو كان فيها موته
في بلدي تلاقي بتاع الفول بقي أمير


امضاء

مجنووون

10 نورت مستشفي المجانين:

ShimaaMahdy يقول...

فــي بلـدي كـل الناس مش عـارفــه ايـه معني الحنين

فعلا فى مصر الناس فقدت معنى الحنين

بس برضه ليهم عذرهم من كتر اللى بيحصل للبلد

لكن وقت ماحد بيسافر لازم يعرف معنى الحنين وقتها

ماهى مصر هاتفضل مصر طول عمرها

هى الغاليه علينا كلنا

مهما عملوا و حاولوا يدمروها هانفضل نشتاق لها

و رغم كل اللى بيحصل لسه عندى امل

اننا نرجع زى الاول


اول زياره و اول تعليق

شفت الانجاز (:

تحياتى (:

مـجـنـووون يقول...

كم يسعدني تشرفيك مدونتي اختي الغاليه
كنت ايام زمان بسمع فلم احنا بتوع الاتوبيس علي طول ، وكان بيتقال فيه بيت شعر حلو قوي
وشرفك يا بلدي ... سحابة وتعدي .. وبرده انتي بلدي
أن شاء الله سحابه وتعدي وحتفضل مصر في دمنا
امضاء
مجنووون

سمكه واحده يقول...

كنت تعالي وانا اجي معاك منا اموت في الهبل وكنت عملت هبله وضربت الناس علي قفاها بس مش كلها طبعا اللي انا عيزاه مجونونه بقي
والله البلد ربنا يرحمنا كلنا هنعمل ايه بقي
كل سنه وانت طيب

مـجـنـووون يقول...

أولا : برحب بيكي ، وانتي بجد نورتي مدونتي سيدتي الفاضله
ثانيا : حبيت بس اوضح حاجه أنا قصدي أن أكون مجنون هو أني أعمل كل حاجه من غير ما أحط في بالي أن في حد حيقفلي أو يمنعني ، بس لو عملتي عقله ولو بس فكرتي تقولي الكلام ده أكيد أنتي عرفه حتروحي فين
امضاء
مجنووون

قلم حالم يقول...

في بلدي تلاقي بتاع الفول بقي أمير

ممتعة بقدر ما هي مؤلمة
بارك الله لك في قلمك ..... وعقلك

مـجـنـووون يقول...

كم يسعدني تشريفك مدونتي
بس بالله عليكي بلاش الدعوه التانيه دي ، لأن أنتي عارفه لو عقلت يمكن يحصلي حاجه بعد الشر عليا ، خليني مجنون أحسن وعلي رائي المثل الي بيقول
" مجنون مجنون بس أعيش " ههههههههههههه
امضاء
مجنووون

EMMY BABY يقول...

انا والله بحب مصر جدا

وبحسى انى عمرى اصلا مهفكر اسافر لانى عمرى ماهلاقى فى طيبة وكرم وحب شعبها

حتى لو بنعترض على الفساد فيها بس برضه هنفضل نحن ليها

هتفضل دايما جوانا مهما حصل معانا

تحياتى

ايمى

مـجـنـووون يقول...

أيمي الغاليه
نورتي مدونتي وكم يسعدني تعلقيك
والله لو الناس عندها الأحساس إلي عندك كنا أتغيرنا كتيرررر

تقبلي كلماتي
مجنووون

مجلة الأم الصغيرة يقول...

إن كان هذا معنى الجنون فليت الجميع مجانين مثلك !!

رائعة بكل المقاييس ..
استمر

تحياتي

انسانةعادية فى عالم مش عادى يقول...

تسلم ايديك بجد كلام جميل جدا بس مش محتاجة مجنون علشان يعمل كل ده ده عايز عاقل وعاقل جدا كمان

 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner