الجمعة، أكتوبر ١٧

نـحــو عــالــم تــدويــن أفــضــل

التدوين ده عالم جميل وظريف وعلشان يفضل عالم جميل لأزم يبقي في حاجات تحكمه ، مش بمعني تقيد حريت المدونين وتقيد أفكار الناس إلي بتكتب ولكن تضع ضوابط وقواعد لكل واحد يفكر إنه يبقي مدون ، علشان يبقي صعب إختراق هذا المجتمع الجميل
وعلشان كده حقول الحاجات الجميله والحاجات السيئة في عالم التدوين علشان نستفيد منها
يلا نبتدي وطبعا حنبتدي بالإيجابيات علشان نرفع المعنويات

أولاً : حاجات جميله في التدوين ويا ريت تبقي جميلة علي طول



1- روح الترابط والإخوه إللي موجودة بين المدونين وبعضهم

2- التشجيع المستمر بين المدونين وبعضهم وتحفيزهم لبعض علي الإستمرار والإبداع والنشاط والتواصل

3- لما حد بيغيب كل الناس بتفتقده وبتسال عليه ، ودي طبعا بيحسسني إن الرابطه بين المدونين كبيرة جداً

4- لما يكون في حد عنده مشكله بنوجهه وبننصحه للصح ، ولما بيطلب العون بيلاقي الناس كلها جنبه وبتساعده

5- التدوين عملية ربط بين جميع أطراف العرب في جميع انحاء العالم وقربت الشعوب من بعضها وخلتهم يتعرفوا علي

بعضهم أكتر وعلي عادات وتقاليد كل بلد

6- حسست الناس اللي في الغربه إنهم مش لوحدهم وإن في ناس واقفه جنبهم وبتتمني لهم الخير


ثانيا : حاجات بتخنقني وبتخليني أزهق وببقي بقول في نفسي لو شفت واحد مدون حديله بوكس أخليه يفكر مليون مرة قبل ما يفكر يعمل الحاجات دي



1- تـعـليـقـات الـمـجــامــلــة

تلاقي تعليقات كتيرة بتجامل وخلاص ودي لو دلت علي حاجه فبدل علي أن
إلي بيعلق مقراش أصلا الموضوع ، وبعدين الموضوعات مكتوبه علشان نستفاد منها ونتناقش فيها مش علشان نرد وخلاص


2- عـــدم متـابـعــه الـتـعـليـقـات

بمعني أن لو واحد طرح موضوع أو رد علي موضوع وكتب رائيه في التعليق ، وصاحب المدونة يرد عليه ويحاول يفهمه بس للأسف إلي بيستفسر أو بيناقش صاحب المدونة في إلي كتبه مش بيتابع الرد وبيكبر دماغه


3- تســلط أصـحـــاب الـمـدونــات

بمعني أن صاحب المدونة بيتسلط علي من يقولون رائيهم في الموضوعات إلي بكتبوها ، وأول ما وأحد يقول رائي عكس رائيهم تلاقيه قام وأعلن الحرب وطلع كل الكلمات الجارحه والغير جارحه علشان ينقض علي هذا الدخيل الذي سولت له نفسه نقض الموضوع وسولت له نفسه تحدي صاحب المدونة

4- التـعليقات الـبــارده

أه والله مينفعش يتقال عليها غير كده تلاقي واحد كاتب موضوع قيم وطويل وفيه حاجات جميله وأفكار حلوه , وتلاقي واحد غلس كاتب رد بارد وملهوش أي لازمه ولا اي فايدة للموضوع إلي بيرد عليه ، ومحدش بيستفاد منه خالص يعني من الأخر يوفر وقته ونظره وصحته ويروح يصلي له ركعتين أحسن

5- الـمـدونـيـن الـمصلحـجـية

دي حاجه محيراني وبجد مستغرب ليها لما بعلق علي مدونات الرجالة مفيش حد بيعبرني خالص وفي ناس مش بتعبرني لما بكتب تعليق علي مدونة فبيرد علي البنات وينفض للرجاله
وطبعا النوع ده من الناس دخلوا المدونات مش علشان يفيدوا الناس بتجاربهم ويستفيدوا من تجارب الأخرين . الناس دي داخلين بس علشان يعاكسوا البنات وياخدوا إيملات وحب وبطيخ وخلاص

6- المـوضــوعــات الـتـافـهــة

في أوقات بلاقي ناس كاتبه مواضيع تافهه قوي ومفهاش اي استفادة خالص والاقي ناس كتيرة بتعلق وخلاص ليه تهدر وقتك وتهدر حبرك وترد علي حاجه انت مش مقتنع بيها او مفهاش اي فايدة



7- الــهـــروب الـكـبـيـر

موضوع إن كل واحد يزهق يقول إنه حايسيب التدوين انا مش بسميه زهق ، انا بسميه هروب ، لأن اللي يمشي بمزاجه وبإرادته يبقي بيهرب واللي يسيب حاجه ويمنع عن الناس تجربته وخبرته وقلمه يبقي بيهرب كأنه هارب من ميدان المعركة ، وكأنه خاين للأمانة العلمية وهايتحاسب عليها يوم القيامة



8- مــدونــات الشــواذ والـمـثـلـيـيـن
انتشار مدونات الشواذ والمثليين والناس دي لأزم نقف لهم ومندخلش مدونتهم ولو علقوا عندنا نحذف تعلقتهم ونكتب مواضيع في مدونتنا بتهجمهم وتنصحهم في نفس الوقت أن هم يرجعوا عن اللي هما فيه , لأنهم مش بيسئيوا لنفسهم وبس ولكن بيسئيوا لعالم التدوين اللي هو أحنا



9- الــمـدونـيـن الـهــدامـيـن
الناس اللي شغاله هجوم علي البلد وعلي إلي فيها ودي أهم حاجه في الموضوع دا كله ، يا جماعه هي البلد دي مفهاش غير الخراب والدمار والسرقة والنصب ، انتوا كده بتزرعوا روح الأنهزاميه بين الشباب وروح كره البلد وبتشجعوهم علي الخراب ، يا عالم يا هووووو إرحمونا مش كفايه اللي ماسكينها خربوها أحنا كمان هنخربها

10- مــدونـيـن الأنـهـزامـيـة
في ناس بينشروا بين الشباب أفكار هدامه وسلوكيات وألفاظ بتجرنا إلي الاسفل ، ونلاقي نفسنا مع مرور الوقت بقت السلوكيات دي حاجه عاديه .
مثلا زي الموضوعات إلي بتغلط في البلد ، بتدي أنطباع عند الناس أن هم ميتكلموش وواحده وحده نلاقي نفسنا أخدنا الطابع ده ومعدش عندنا أي غيره علي البلد ولما نلاقي الغلط قدمنا منتحركش علشان نغيره ونقول في نفسنا هي خربانه خربانه

مــلــحــوظـــة
أنا بقول وجهة نظري مش بالضرورة تكون صح ومش بالضرورة تكون ملزمة لكل الناس بس أنا قولت رائي علشان العالم ده يهمني ونفسي الاقيه بيرتقي بالناس إللي فيه مش ينزل بيهم لتحت
وإللي عنده حاجه مش عجباه أو حاجه عجباه يكتبها علشان نلخصها في موضوع واحد ونسميها وثيقة عالم التدوين وننشرها علشان الناس كلها تعرف اسس ومبادئ التدوين وتلتزم بيها
الوثيقة دي مش بتقيد التدوين ولا الأفكار ولكن بتقيد الحاجات الجارحه إلي بتقلل من التدوين وبتقلل من قيمة الناس الموجودة فيه




امــضــاء

مجنووون


الخميس، أكتوبر ١٦

تعجبني حاجات رأح ااقولهلكم وحاجات رأح ااقولها متعجبشي
خليكوا معايا وخدوا بالكم وأنا برضوا نأوي مطولشي
بكرة أن شاء الله حتكلم عن موضوع خطير جداً يخص عالم التدويين إلي أحنا فيه

امضاء
مجنووون

الثلاثاء، أكتوبر ١٤

أمــيــرة والـمجـنـون


يــا سيـدتــي الأمـيــرة
إن عشــاق الـجـمـال
كـلـهـم وأقـفــون بـباب
قـصـرك الـمـرصـود
يــذوبــون شــوقــاً يـذبـون
كلهم يعيشون تلك اللحظة
فــي الـخـيـال
فــي الـظـنـون
كـلـهـم يتمنون
إطــلالــة الـسـاحـرة
لا يـعـرفــون أنـهـم يحلمون

سـيـدتـي الأمـيـرة
يـا أبنة سلطان الجمال
هــل يسـكـن الـجـنـي
فــي ثــوب الـجـلال

هل يشرق الفجر الجميل
علي النخيل
علي الظلال
هل تسعد العين الليلة
مــرة بين الخيال
هــل يـقـدر العـصـفـور
أن يتحدي أطيار الجبال

سـيـدتــي الأمـيــرة
دعـيـنـا نــراك
فـقــد تعـرفيننا
فــإنــا رفـاقــك
مـنـذ الـصـغـر
هـــل تــذكــريــن؟؟؟

وإنـــــا
ضحاياك
منذ الطفولة
فهل تنقذينا
وإنا قرارك
منذ الصغر
فهل تعذرينة

أيـا سيدتي الأميرة
كفـاكـي دلالاً
فــإنــا شـمــوع
سئـمـنـا الـحـيـاة
رفـضـنـا الـمـمـات
كـسـرنـا الـقـلــوع
ضحكنا كثيرا
حصارة وسـعــادة
في قـلـبـي دمــوع
ومـاتت زهــوري
فـهــل تنقذينا
للأ نـضـيـع
وزهــري يضــوع

أيا سيدتي الأميرة
كــوني جـديــرة
بحـب الأمـيـر
وكــونــي ظـــلالاً
كــظـل الأسـيـر
وكــوني ظلالاً
لــوقــت الهجـيـر
فقد تـغـرقـيـن
فــي حـب الأجـيـر
وقــد تـغـرقـيـن
فــي حب الأسير
وقــد تسكنين
فــي قصــر كبـيـر
وقــد تسكنين
فــي قلب صغير
فمــا القصر إلا قيوداً لحبك
وما القلب إلا قيود الحرير


امضاء
مجنووون

الجمعة، أكتوبر ١٠

كــنـا زمــــــــان



كــنـا زمــــــــان

عــايشين زمـــان لــوحـدنــا
دلـــوقـتـي
عــايشين فـي المنام مـع حـزننا
دلـــوقـتـي
أحــلامنـا الكبيرة خــايـفـة تسكن حـيـنـا


كــنـا زمــــــــان
نبـكـي ونـفــرح م الـلـقــا
دلـــوقـتـي

غــيـرنــا الــزمـــــان
وطــريقنا يـرويـه الـبـكـا
وأنتـي الأمــيــرة
ســاكـنـة قلبي م الصبا


كــنـا زمــــــــان
أطفال بريئة نفرح بلعبة صغيره
وعيون بريئة تخاف تنام متغيره
دلـــوقـتـي

تنام القلوب ديمـا تـخــاف متحيرة


كــنـا زمــــــــان
نفــرح بليلنا والسكــون

كــنــا زمــــــان
أزهــار جميلة تسعد القـلـب الـحـنـون
دلـــوقـتـي

مــاتـت قـبـلـنا الــدمـعــة وعـكــرة العيون


كــنـا زمــــــــان
طيـور غريبة خــايـفـة مــن ضـوء القمر
وطـيـور حـزينة كـحـلت عينها بسهر
خــايـفـة تـنام أحـسن تـمـوت
فـــوق الـشـجــر


كــنـا زمــــــــان
نشكــي الـــزمـــان ونـقـولــه ابـعـد عننا
وزمــــانـــا غــــدار
مـش حـنـون عـلــي حـبـنـا
دلـــوقـتـي

بنصـدق كـــلام خــلانــا نـتـرك بعضنا
وفــي لحظة يلقانا الــزمــان طيرنــا بحقدنا وغشنا



لـيـه يــــا زمــــــان
مـش راضـــي
عــن قـصــة حـبـنـا
عشنا مــعــاك بــدمـوعـنـا
وقــلـوبـنا الـبـريـئـة
خلتنا نــكــره صـحبتك
والعشـرة وشـمـوعـنـا الـمـضيئة
خـلـتـنـا خــايـفـيـن مــن الـــزمــان
خــايـفـيـن مــن الــدنـيـا الـكـئـيـبة



امـضـــاء

مــجــنــووون


الخميس، أكتوبر ٩

عذراَ علي تأخري في لقاء من أحبهم وأشتاق إليهم ولكني كنت أمر بظروف نفسيه تصيب المجانين فقط ، لأني كنت ناوي أسيب مستشفي المجانين وأرجع عاقل زي زمان وطبعا عرفين لو رجعت عاقل يبقي خلاص قولوا عليا دا كان رأجل محترم بس للأسف عقل
وعلشان كده البوست بتاع بكرة حيكون أسمه (كنا زمــــان )
فأنتظرونا يوم الجمعه 10 / 10 / 2008
ملحوظة :
بشكر كل الناس إلي سألت عليا ( كيارا – أنا ودماغي – محاسن صبري – طوبة فضة وطوبة ذهب )
امضاء
مجنووون

الأحد، أكتوبر ٥

تضامناً مـــع ( كيارا و أنــا ودمــاغي )

تضامناً مـــع ( كيارا و أنــا ودمــاغي )
طبعا إلي بنشوفه من أخونا المدونين حاجه تحرق الدم وبتحسسنا أن أحنا ممكن نفترق
علشان أسباب أنـــا بـعـتـقـد أنـهــا مـش كـبـيـرة عـلـشـان نـفـترق عـلـشـانــهـا
طيب لو لقدر الله حصل حـــاجـــه واعـتـقـلـنـا او اضـيـق عـلـيـنـا فـــي حيـتـنـا بسبب
الـكـلام إلــي بنـقـولـه وبـنـكـتـبـه أيـه حـيـكــون رد فـعـلـنـا ؟؟؟؟
بجد أنــا حــاسـس دلــوقـتـي انــا مجتمع الـتـدويــن مجتمع هش ممكن ينتهي بسـهـولـه وبـأقل مجهود
أحنا بنتكلم من ورا الكمبيوتر أمال بقي لو أتكلمنا قدام الناس وقدام العالم كله
حيكون رد فعلنا ايه ؟؟؟؟؟ وعلي فكرة دا عيب الأرتباط بشخص علي النت ، أول ما يزهق أو يضايق شويه يروح قافل الماسنجر أو المدونة ومختفي ومش في دماغة أي حاجه ، وأنشالله الناس إلي حبوه يخبطوا رأسهم في الحيط
علي العموم انا مش كاتب الكلام ده علِشاِن حد يزعل مني أنا بكتب الكلام ده علشان في
ناس عزيزه عليا قرروا أنهم يبتعددوا عن النت وعن التدوين وأنا كصديق لهم لأزم أتضامن
معاهم في محنتهم وأقف جنبهم حتي ولو معنويا ، ومش حرجع للكتابه غير لما يرجعوا ، وعلي فكرة أنا مجنون يعني ممكن أعمل أي حاجه
طبعا أنتوا عرفين مين هم ( كيارا - وأنا ودماغي )
امضاء
مجنووون إلي شكله حيعقل علي أيديكم قريب

الجمعة، أكتوبر ٣

أحـــــــزان قــلــم

أحــــــزان قـــلــــم
الرابط ده موجود فيه الشعر بفلاش وبصوت علشان الناس إلي مبتعرفش تقرا ههههههههه

************
وهنا كلمات الشعر للناس إلي بتعرف تقرأ ههههههههههههه

***************

أحـــــــزان قــلــم

أكتب فـقـد مــات الــقـلم

مـــا عـــادت الكـلـمــات تـحــي مـــن تـعـثـر وانـظـلـم

الـيـوم نـبـكــي أمـــة وغـــدا نشيع مــن حــلــم

أحــــلامـــا صــــارت تـبـابــاً

والــعـذاري للخيانــة تـغـتـنـم

وبــلادنــا تـشكـو مــــن الأوهــــام

والخفــايــا والأمــانــي والسـقـم

أكـتـب فـقـد كـسـر الــقـلم

ودع الأمـــاني لا تحــــاول أن تجــــازف

أو تـــروض مـــن هـجـم

الكل يعرفني ويعــرف مـــن تـأثـر بـالــوهـم

الكل يعــرف قصة العــربي فــي قـصر العجم

كــانـوا أعــزة فــي تفان يرتقون إلــي القمم

هــذا صــلاح الـــديـن فــي حطـيـن

لا يخـــاف مـــن الـصنم

والمسلمون فــي كــل غــزو لا يهابون الحمم

عــودوا إلــي الإســلام

فــالإسلام لا يفني ولا يفني الـعــدم

وتقدموا فــاليوم يبقي كـــل نـاصــر للقيم

أكتب فقد عـــاد الـقـلـم

عــــاد الـطـريــق المغتنم

عـــاد الجهــاد مــع الكفــاح

بــلا تـــوان للقمم

أكتب فــقـد عــاد الـقـلـم

أكتب فــقـد عــاد الـقـلـم

امـضـــاء
مـجـنـووون

الثلاثاء، سبتمبر ٣٠

تـنــويـــه

كل سنه وأنتوا بالف خير ... وربنا يجعلنا من عتقاء هذا الشهر الكريم ... ويحقق ليكم كل أحلامكم وامالكم
طبعا أن كنت عايز أنزل موضوع جديد بس قولت بلاش غم علشان الناس حتعيد وقولت اابقي أتاخر في تنزيله
فإنشاء الله يوم الجمعه حنزل موضوع بأسم ( أحزان قلم ) الموضوع ده حيكون بصوتي وأحاول أخلي فيه كمان صورة
يعني حتبقي فضيحه بالصوت والصورة ههههههههههههه
المهم أنتظروا أحزان قلم يوم الجمعه
امضاء
مجنووون

الأحد، سبتمبر ٢٨

وداعـــــا أيــهـــا الـــزائــر الـكــريــم


وداعـــــا أيــهـــا الـــزائــر الـكــريــم


خــلاص الــزائــر الكــريــم حيمشي ، ومـش حنشوفه غير بعد سنه


ويا عالم حنشوفه مرة تانيه والا لا


والله الواحد مهمها يعمل حيكون مقصر فــي حــق هــذا الضيف الكريم


بيدخل علينا بـكــرمــة وجـــودة وأحنا بنقبله بتقصير وكسـل


أوعــدك يا رب إنـي لو أنكتب لــي أعيش للسنه إلي جــايــه وأشــوف هــذا الشهر الكريم إني حكون عبدك المطيع


عذراً يا رب العالمين علي تقصيريً ، اللهم أجعلنا من عتقاء هذا الشهر الكريم


(ليس العيد من لبس الجديد ، إينما العيد من أستعد ليوم الوعيد )


امــضــاء

مـــجــنــووون


الأربعاء، سبتمبر ٢٤

خواطر مجنووون

الخاطرة دي أنا كتبها بتاريخ 11 / 6 / 2004 كتبتها أول ما عرفت الإنسانه إلي كنت بحبها ، بس للأسف مقدرتش الكلام وأنفصلنا عن بعض من حوالي أكثر من سنتين وعلي فكرة كان اسمها مجنونه وفعلا كانت مجنونه زيي ، وهـي الـدنـيـا كـده عـمـرهـا مـا تـدي محتـاج ..
وعلي فكرة البلوج إلي كتبه بعنوان ( كانوا بيحسبوا ) إلي موجود تحت كنت كتبه يوم ما أتخلت عني وسبتني ، شوفوا البلوجين حتلاقوا فرق السماء والأرض بينهم ... حسبكم مع الخاطره

خواطر مجنووون
حينما أسمع صوتها أحس وكأنني أطير في الهواء حتي أكاد المس السماء
وحينما تقول لي أحبك تذوب روحي ، ويخفق قلبي ، وتدمع عيني
وأ كاد لا اصدق نفس وأقول لنفسي
لماذا هذا الملاك البريئي،الغزال الشارد، الجميل الواعد ، ينظر لك أنت
لماذا ينظر ملاك من السماء إلي إنسان في الأرض
لماذا يتواضع قمر السماء وينظر الي شمعه ضعيفه الضوء
أهو الحب الذي يفعل ذلك ؟؟!!
أم انها الشفقة علي إنسان ضعيف قست عليه الحياة
وخــانــه أعـــز الأحـبـاب
أم انها مجرد وهم وسوف ينتهي بمرور الايام
واأخذ في الصرخ باعلي صوتي وأقول
يالله لا تحرمني من هذا الحب
يالله لا تحرمني من هذا الحبيب
يا حبيبي لا تتركني
فإني بغيرك لا أكون ، وبدون ضحكتك لا تكتمل ابتسامتي
وبدون قلبك أكون قد خسرت الحياة
وتمر علي الثواني مـــن دون حبيبي كأنها دهـــر
كأني عائش في ظلام ومنتظر ضوء القمر لكي يضي لي دربي
كأني سوف أموت من العطش ومنتظر جرعة ماء تروي ظمائ
كأني منتظر قطرات المطر لتحي قلبي اليابس
يا حبيبي هل تحس بما في قلبي من جروح وألام
يا حبيي هل ستشفي جروحي ، وتنهي عويلي
يا حبيبي قل لي انك تحبني كحب الطفل لوالده
يا حبيبي قل لي انك تحبني مهما حدث مني
يا حبيي قل لي انهم اذا وضعوا الشمس علي يمينك والقمر علي يسارك فانك لن تتركني وتترك حضني
يا حبيبي قل لي انت روحي وانت عمري وانت قلبي
يا حبيبي قل لي إنك سوف تمضي معي مشوار الحياة ولن تتركني ابدا
وازرف الــدمـوع ، ويـنـطـق الـلسـان ، ويـعـبـر الـبـيـان
ويـهـيـم الـعـقـل ، ويــدمـــي الـقـلــب
ولن استطيع ان اعبر عن حبي لك
ولن يستطيع القلم ان يعبر عن مكنونات صدري لك
يا حبيبي هذه كلمات اهديها لك لكي تعرف مدي ضعفي ، ومدي حبي
وفــي الختام اقـــول لـكــي كـلـمـة واحـــده
تصلــح ان تـكـون بـدايــة أو نـهـايــة لإنسـان
هـــذه الـكــلـــمــة هــــــي
( احــــبــك)
أمــضـاء
مجنووون
11- 6 - 2004
 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner