الاثنين، أكتوبر ١٨

حـــاجه غريبه

سؤال عجيب وغريب بيقول :

 ليه الحزب الوطني مبيعدلش من نفسه

ليه مبيحولش يقرب من الناس ويساعدهم

ليه مبيخترش ناس كويسه في مجلس الشعب علشان يقفوا جنب الناس ويسعدوهم

ليه مبيحولش يقدم خدمات للناس ويطور من حال البلد

ليه معندهوش دم بيسمع الكلام  الزبالة عليه وبردو مش بيرد

ليه جيبين واحد عامل برنامج اسمه ( حالة حمار ) وعامل نفسه انه الي بيفهم والناس مبتفهمش

ليه بيختار ناس غلسه وبارده علشان تتكلم عن لسانه

ليه ديما بيتكلم ويقول انه بيعمل ويخلي ويسوي وهو ولا بيعمل أي حاجه

ليه مبيتعلمش من أخطاءه ويحاول يصلح من نفسه

ليه بيبقي شايف الصح وشايف الحق وبيطنش وبيعمل أنه مش شايف حاجه


تعرفوا أنا بقول الكلام ده ليه


علشان افتكرت لما نزلت  سورة

 ( تبت يدا أبي لهب وتب(1) ما أغنى عنه ماله وما كسب(2) سيصلى نارا ذات لهب

(3) وامرأته حمالة الحطب(4) في جيدها حبل من مسد


سمعها ابو لهب ولو كان في الوقت ده قال أنه اسلم كان وقتها كذب الرسول عليه السلام
 
لانه وعده بالنار ولو كان اسلم حتي لو بالظاهر بس كان خالف كلام الرسول

بس سبحان الله المتخلف هيفضل متخلف

وبتاع المصلحه هيفضل طول عمره مصلحجي 

 حتي لو كان شايف الحق بعينه الي يا رب تتخزاء ويفضل احول علي طول

ومن الأخر هي سلسه كل واحد ماسك مكانه

وخايف يصلح يلاقي ناس كتيرة بتدور وراه وعايزه تكسره


معلش يا جماعه اتكلمت في السياسة

لو عجبكم الكلام قولوا واحد مجنون وقاله ولو معجبكمش يبقي قولوا غطيني وصوتي ياما

إمضاء
مجنوووون

6 نورت مستشفي المجانين:

Hanan Elshafey يقول...

غطييني واتجنني ياماااااااااااااااااا

ازيك صحيح

تقبل مروري
وودي

شمس النهار يقول...

بسم الله الرحمن الرحيم

الاجابه
علشان هو الحزب الوطني الحاكم

:))

والله امتحان سهل اهو

يارب تكون اجبتي صح

ahmed_k يقول...

فعلا كلامك صح يا صديقي
فهناك حاله لدى الحكومه وأجهزتها من اللامبالاه غير معروفة الأسباب
فهل تعتقد أنه مرض فيرس حكومي يؤدي لنوع من البلاهه ؟؟؟
وهل يوجد أنتي فايرس لهذا الفيرس
لا أعتقد إلا أنتي فيرس واحد
هو أن يكون الشعب إيجابي ويسعى للتغيير بكل السبل المتاحه

تقبل تحياتي

الغاردينيا يقول...

مع اني لا اعرف شيئا عن احزابكم

لكن بوست جميل ...

تحية

just dream يقول...

قمة الجنان اننا نتكلم عن اصلاح سياسى ف بلدنا وخاااااااااصه اصلاح حزب الجرجير بتاعنا قصدى الحزب الوطنى واهو كله بيطلع فى الغسيل
لا تعليق على حالك يابلدى لنا الله ثم مستشفى المجانين اهى اريح من العقول التعبانه اللى بره المستشفى
تقبل جنانى اخى المجنون

سجود يقول...

السلاااااااام عليكم
فعلا حقيقي ليه الحزب الوطني مش بيغير من نفسه وهو احنا غاويين نعارض في البلد
وبضيف علي البوست :
ليه اي حد كويس بيمسك منصب عالي في الدوله مش بيعد في منصبه
ليه اللي بيفضلوا علي الكراسي ناس مش عندها ضميير نسيت يوم القيامة
يومئذ تعرضون لا تخفي منكم خافية
ليه مستنين لما يقولوا ياحسرتاي علي ما فرطت في جنب الله
ليه مستنين لما يقولوا ياليتني لم اوت كتابيه ولم ادر ما حسابية ياليتها كانت القاضيه ما اغني عني مالية هلك عني سلطانية
واسئله كتير محتاجة لرد
وجزاااااكم الله خير

 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner