الجمعة، أكتوبر ٢٤

فكرة تحتاج إلي الهمم العاليه

أنا بجد أسف يا جماعه أني مكنتش متواجد الأيام إلي عدت
وان شاء الله حرجع زي الأول وأحسن
أنا أن شاء الله حبتدي أكتب المواضيع عادي زي الأول
وأن شاء الله حرد علي كل الأنتقادات التي وجهت لموضوع الوثيقة التأسيسية للمدونين
بس في مدونة الوثيقة التأسيسية
وأنا بجد بشكر كل وأحد قال رائيه في الوثيقة سواء كان مؤيد أو معارض
وبعذر كل وأحد أنسحب من الموضوع بسبب الضغوط التي مارست عليه
وبجد أسف لو كنت اتسببت بأي أذي لأي حد
وعلي فكرة أنا راجل صاحب فكرة وأفكاري غاليه علي قوي
ومش علشان حد عرضيني يبقي دا معناه إني ألغي الفكرة أو أتراجع عنها
زي ما أنتم ليكم حرية الأنتقاد أنا كمان لي حرية التمسك بما أفكر به وأعتقده
امــضــاء
مجنووون

12 نورت مستشفي المجانين:

EMMY BABY يقول...

مجنون

لعلمك انا شايفة

بالرغم ان بنود الوثيقة معظم الناس بتعملها بتلقائية

بس مجرد كلمة بنود ووثيقة حسست الناس اننا هنقيد حريتها

انا الحمد لله بعمل بنود الوثيقة وحتى لو برضه مفيش وثيقة فاحنا كدة كدة مقتنعين بالافكار اللى فيها

تحياتى

ايمى

ندا منير يقول...

كلام جميل جدا
وشئ كويس انك تتمسك بآرائك
وافكارك
بس برده احيانا بيكون راى الناس مهم
واحيانا بنبقى متمسكين بشئ معين وبيبقى غلط
عشان كدة لازم نسمع للناس ولو كلامهم مقنع نقتنع
عشان اللى جوة الموضوع غير اللى برة
اللى برة الموضوع بيعرف يحكم صح

princess يقول...

اهلا اهلا
كويس انك رجعت
انا كنت ابتديت اقلق:)
عموما ويلكم باك
وربنا يقويك
ومتزعلش من اى حد فينا
انت عارف:(
تحياتى

blue-wave يقول...

وانا معاك يا مجنون ومش متراجع

mohamed ghalia يقول...

عندك حق
حضرتك كمان ليك حرية التمسك برأيك
دمت بود

أمل حمدي يقول...

ربنا معاك يا مجنووون

romansy يقول...

مجنون

متزعلشى من اى نقد بس اقولك فيه ناس فعلا احنا اساءنا ليها
الموضوع مش احزاب
ولا اى شئ
بس صمم على الفكره
بس باسلوب ميجرحش حد

Crazy Nemo يقول...

انا مش عارفه موضوع الوثيقه ده لانى للاسف بقالى فتره مش متابعه المدونات
و يمكن ده اول مرور ليا هنا بس حمد الله على السلامه و منتظرين مواضيع القادمه ان شاء الله :)

yoyo يقول...

انا مش كنت متواجدة وقت نزول بنود الوثيقة دى و كمان حاولت اتابع ردود الافعال عنها بس بجد اغلبنا بينفذها وبيعمل بيها

بس فى ناس مش بتحترم ولا حتى بتراعى اداب الحوار وبيكون الكلام ام تجريح واهانات واو مجرد كلام وبس

التدوين دا عالم كبير المفروض بنفيد ونستفيد منه زى البيت الكبير اللى كلنا بنتلم فيه بكل عاداتنا وتقاليدنااللى اتعلمنها بكل حب و اخلاص نخاف على بعض ونهتم للاوامر بعض ويدوم بينا التواصل بكل حب ومودة

انا بجد معاك بكل كلمة وحرف انت قولتها انت وبقية المدونيين بدون اى تراجع او حتى استسلام فكرتك تحتاج الى همم عالية بالفعل

تحياتى
يويو

سمكه واحده يقول...

بص احلي حاجه لما يكون للانسان فكر او مبدأمعين وميتنزلش عنه لانه بيحترم المبدأ ده

كمان احلي حاجه في الدنيا ان يكون في هدف وهدف نحققه ونعسي لتحقيقه

بجد ربنا يكرمك انت وكل الناس اللي شجعت الموضوع ده
وده مش هبل ولا اي كلام ده كلام يدل علي ان في ناس مخها لسه شغال وناس كويسه في وقت الدنيا بقت في مش ولابد يعني
تحياتي لشخصك الرائع وانا معاك ومع كل الناس الجميله المتحفظه المحترمه
بتمني تتقبلني ومكنوش ضيفه تقيله
سمكه

"عبير النجار "نيجار يقول...

مجنون
والله ما عارفه اقولك ايه من ساعة الموضوع ما حصل وانا مش عارفه ايه اللي بيحصل وانا بس مش عايزاك تكون زعلان مني علشان حذفي للبوست بس انت اكيد كنت متابع اللي بيحصل وعايزاك بس تقدر وضعي وظروفي وبرضه كيارا والله شافت اكتر مني بجد وكان صعب عليها قوي اللي حصل وانت عارف هي حساسه إزاي بجد ياريت ما تكونش زعلان مني وياريت ياريت تقولي ده في اقرب وقت
وتحياتي ليك زميلي واخوياالعزيز

شمس النهار يقول...

شوف شكل الناس جالها هلع من كلمة الوثيقه اظاهر بقه عندنا هلع من كل شئ
شوف انا فخوره جدا بيكم انكم لما شفتوا غلط حاولتوا تصلحوه وتكونوا ايجابيين ومش سلبيين
طالما انت مؤمن بالفكره لازم تدافع عن فكرك وخصوصا انه يحث علي الفضيله ةالاخلاق
مش عارفه الدنيا هاصت كده ليه
هوانت بتدعوا لفسق والاحاجه لاسمح الله
ارمي كل نقد خايب ورا ظهرك وكمل
واي نفد كويس ناقشه بعقل واوعي اللي حصل يخليك تبقي عصبي في الرد العصبي مابيعرفش يوزن الامور صح وبيفقد حقه
اهده كده وروق ورد كويس
ربنا معاك

 

M A G N O O O N - إلي بيحب قوي لما بينجرح بينجرح قوي © 2008. Design By: SkinCorner